RIBADEO (FNC) .- O alcalde de Ribadeo, Fernando Suárez, está a enviar cartas aos propietarios de solares, fincas ou terreos no casco urbán e nos núcleos rurais para que os limpen e os adecenten, porque moitos están cheos de silvas, e ademáis de dar mala imaxe supoñen un perigo de salubridade pública.
O rexedor sinala que “hai un tema ao que nos estamos adicando con especial interese nos últimos tempos debido as suxerencias que nos realizaron algúns veciños do concello e tamén ás efectuadas polos portavoces que forman parte da Corporación Municipal. Estamos enviando cartas pedindo aos propietarios de solares, terreos e fincas, sobre todo nos ámbitos urbanos ou de núcleo rural, que se atopan en situación de abandono, que son silveiros e que a parte de dar moi mala imaxe ofrecen perigo de salubridade pública ou de ornato público. Moitos solares teñen bichos, alimañas… que non son axeitados en zonas onde vive xente ao seu pé”.
Suárez Barcia explica que “os técnicos municipais están a facer unha serie de informes do que aleatoriamente están a ver por aí de todos os sitios que precisan de desbroce e limpeza. Aos propietarios lles recoñecemos, como non podía ser doutro xeito, os dereitos á propiedade e os que lle sexan inherentes e lles lembramos que tamén teñen obrigas e que esas fincas deben estar en perfecto estado de ornato e de salubridade pública. Xa houbou cambios sustancias nos últimos tempos que se poden apreciar nalgúns solares que levaban moitos anos sen limparse cheos de silvas e que agora están totalmente desbrozados”.
A idea do goberno, segundo o alcalde de Ribadeo, é seguir nesta liña. Fernando Suárez supón que “pode haber xente á que non lle pareza demasiado ben, pero nosoutros no que ten que ver coa seguridade pública, tal e como facemos moitas veces en obras do casco vello e o seguiremos facendo, e tamén coa salubridade e o ornato debemos facelo e intensificalo, porque os portavoces e os veciños así nolo están indicando, sobre todo aqueles que son colindantes con este tipo de fincas ou de parcelas que están á brava”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
