NOTA DE PRENSA
O deputado popular Daniel Varela Suanzes-Carpegna considera que Galicia ten que ser pioneira na defensa axeitada dos seus produtos pesqueiros e marisqueiros, na defensa dos dereitos dos consumidores e “poñer no seu sitio as importacións de produtos foráneos con menos garantías que os autóctonos”
O PARLAMENTO APROBA A PROPOSTA DO PPDEG PARA IDENTIFICAR E SEPARAR O PESCADO NOS PUNTOS DE VENTA PARA VALORIZAR OS PRODUTOS DA FLOTA GALEGA
* Para o Grupo Popular é imprescindible subministrar a información necesaria para identificar o pescado galego, caracterizado pola súa gran calidade, os importantes valores nutricionais e as garantías hixiénico-sanitarias, en contrasta con outros procedentes de terceiros países e, en especial, de Asia
* Tamén solicita a exposición separada do peixe fresco do conxelado, o procedente da acuicultura, de auga doce do de auga mariña
* Daniel Varela lamenta a abstención dos grupos de oposición, que dixeron non entender a proposta que para o PPdeG é innovadora e pioneira
Santiago, 22 de outubro de 2009.- A Comisión de Pesca do Parlamento de Galicia aprobou na súa sesión de hoxe unha iniciativa do Grupo Popular na que insta á Xunta de Galicia a establecer unha regulación para que os consumidores distingan claramente o peixe nos puntos de venta ao por menor para valorizar os produtos descargados en Galicia pola frota galega en contraste con outras especies foráneas. Esta identificación serviría para diferenciar o pescado segundo a súa procedencia, captura e presentación conquerindo que o consumidor final dispoña mais información sobre estes temas para realizar unha compra mais responsable.
O obxectivo fundamental da iniciativa, que contou coa abstención de PSdG-PSOE e de BNG, é o de identificar o pescado capturado pola flota galega, caracterizado pola súa gran calidade, os importantes valores nutricionais e as garantías hixiénico-sanitarias en contraste co procedente de terceiros países e, en especial, de Asia. Segundo o deputado popular Daniel Varela nestes países non se está a esixir as mesmas esixencias técnicas, sanitarias, sociolaborais e mediambientais que as da Unión Europea de tal xeito que, ademais dos problemas sanitarios correspondentes, se produce unha competencia que non sempre é leal cunha baixada de prezos de venta ao público co que resulta difícil competir e que veñen a agravar a crise pola que está a pasar o sector pesqueiro galego. Daniel Varela lamentou que a iniciativa non puidera contar co apoio dos partidos da oposición manifestando non entender a iniciativa, que para o PPdeG é innovadora e pioneira.
O deputado popular considera que Galicia “que xa é punteira nos sectores pesqueiros e marisqueiros” sexa tamén punteira na defensa axeitada dos seus produtos, nos dereitos dos consumidores e hai que “poñer no seu sitio as importacións de produtos foráneos con menos garantías que os autóctonos”. Así, a iniciativa pretende que se permita aos consumidores distinguir claramente en pescaderías, supermercados e hipermercados mediante exposición separada as especies pesqueiras e marisqueiras segundo a súa procedencia e tamén o peixe fresco, do desconxelado e do de acuicultura, así como o peixe que é de auga doce e o que procede de auga mariña. Esto non se produce na actualidade inducindo ao erro ao consumidor que non recibe con toda claridade a información necesaria para a elección libre.
Deste xeito, Daniel Varela indicou na defensa da súa iniciativa que na actualidade poden atoparse xuntos linguado ou galos frescos con panga desconxelado (de río, granxa e asiático) e aínda que a diferenza ten que figurar na etiqueta tamén debería de aparecer na colocación no expositor da pescadería “e non só o prezo ten que figurar como principal reclamo”. Así, indicou o deputado popular, o consumidor galego cando entra nunha pescadería ten que poder encontrar a exposición separada de produtos que se pesca en Galicia ou pola frota galega do que ven de fora así como as condicións do mesmo (fresco, desconxelado, ou de auga doce ou mariña) “para que o consumidor teña toda a información sobre a orixe dos produtos e logo teña total liberdade para escoller o que mais lle conveña”.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
