SANTIAGO .- A Consellería do Mar, a través de Portos de Galicia, adicará preto de 9 millóns de euros á limpeza e mantemento dos portos autonómicos durante o período 2010-2012, segundo se publica hoxe a licitación no Diario Oficial de Galicia. Portos de Galicia mantén deste xeito un dos compromisos fundamentais co medio ambiente, o seu coidado e a súa protección, cumprindo as mais esixentes normas medioambientais, é dicir, portos mais sostibles.
Por zonas adicaranse 2.358.778 euros nos portos pertencentes á franxa litoral da provincia de Lugo (Zona Norte) e ata o porto de Cedeira, 3.880.655 euros aos da provincia de A Coruña (Zona Centro) e, 2.692.533 euros aos portos pertencentes á costa da provincia de Pontevedra (Zona Sur).
Os portos de Galicia verán melloradas as súas instalacións con este novo servizo de limpeza que incorporará un aumento dos elementos materiais e humanos que redundarán nunha mellor e mais axeitada limpeza, estética e hixiene en todos os portos de Galicia. Tamén será incrementado o control das recollidas, instalación de contenedores especiais metálicos e un servizo denominado “limpezas especiais” consistente na limpeza das zonas portuarias onde se celebren actos culturais ou deportivos autorizados por Portos de Galicia, especialmente durante a época estival.
Os servizos que se efectuarán nos portos comprenden as actividades de limpeza xeral dos portos e instalacións portuarias de Galicia, a recollida de residuos sólidos, industriais e doutra índole que se poidan producir e o seu transporte a vertedoiros fora das zonas portuarias ou a plantas de tratamento deste tipo de residuos que se atopen ámbolos dous casos dentro da legalidade vixente en materia medioambiental.
Así mesmo, levarase a cabo unha desratización xeral das instalacións portuarias e edificios, limpeza de sumidoiros, arquetas de rexistro, e se fará a limpeza das oficinas, dependencias e instalacións portuarias, que inclúe ademais todo tipo de edificacións, como son, os Puntos de Inspección Fronteiriza (PIF) e dos denominados PBIP, ademais das casetas de estiba pertencentes a Portos de Galicia, quedando excluídos neste ámbito os edificios construídos ou explotados polos usuarios en réxime de concesión administrativa ou autorización temporal.
Os residuos sólidos constitúen os procedentes da limpeza xeral dos portos, os existentes nos bidóns dos portos, os de edificios, tinglados e almacéns, así como os restos de embalaxes, caixas, residuos industriais, lixo e os procedentes de buques que non estean establecidos no MARPOL.
Esta limpeza inclúe tamén os restos que se atopen flotando en augas dos portos procedentes da limpeza de escolleras ademais da recollida e retirada de artes de pesca, pertrechos, restos de materiais de obra ou calquera outros elementos ou material que se atope abandonado nas zonas portuarias. A recollida farase en contenedores instalados por Portos de Galicia debidamente sinalizados e adaptados ós diferentes tipos de residuos.
Finalmente, a limpeza das instalacións portuarias efectuarase mediante un varrido manual e mecánico, con maquinaria axeitada e realizaranse tamén baldeos de auga doce mediante camión cisterna en todas as instalacións portuarias.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
