CERVO .- A Depuatción provincial descubreu unha placa conmemorativa do 40 aniversario do Museo do Mar de San Cibrao. Na placa recordase a labor cultural e divulgativo desenvolto en 1969 polo profesor Rivera Casás e máis á doazón de 60.000 pesetas, realizada en 1931, polo matrimonio formado por José Manuel Fernández Montenegro e Manuela Goñi Maiste, que permitiu a construción do edificio que actualmente alberga o Museo do Mar e que ata os anos 70 amparou a escola da vila. No acto participaron antigos alumnos, herdeiros do profesor Francisco Moisés Rivera Casas, familiares do matrimonio formado por José Manuel Fernández Montenegro e Manuela Goñi Maiste, o delegado da área de Cultura da Deputación, Antonio Veiga, e diversas autoridades locais.
Nota de Prensa
PARTICIPACIÓN MASIVA NO DESCUBRIMENTO DA PLACA CONMEMORATIVA DOS 40 ANOS DO MUSEO PROVINCIAL DO MAR
Os alumnos e familiares do profesor Rivera Casas e do matrimonio Fenández Montenegro-Goñi acompañaron a Antonio Veiga neste acto tan sinalado
LUGO, 10 de outubro de 2009. O delegado da Área de Cultura da Deputación, Antonio Veiga, participou este sábado na segunda xornada dos actos que conmemoran o 40 aniversario do Museo Provincial do Mar. O nacionalista, acompañado pola xerente da Rede Museística, Encarna Lago, os antigos alumnos e os herdeiros do profesor Francisco Moisés Rivera Casas, os familiares do matrimonio formado por José Manuel Fernández Montenegro e Manuela Goñi Maiste, e diversas autoridades locais, descubriu a placa honorífica na que se fai referencia ao labor cultural e divulgativo desenvolto en 1969 polo profesor Rivera Casás e máis á doazón de 60.000 pesetas, realizada en 1931 polo matrimonio anteriormente citado, que permitiu a construción do edificio que actualmente alberga o Museo do Mar de San Cibrao e que ata os anos 70 amparou a escola da vila.
A primeira hora da mañá, Antonio Veiga e Encarna Lago recibiron, acompañados por un grupo de rapaces e rapazas da vila, aos alumnos e alumnas do curso 1969/70 do antigo Centro Educativo José Manuel Fernández Montenegro. De forma conxunta, as dúas xeracións leron varios textos literarios nos que o mar era o protagonista indiscutible. Os antigos alumnos e alumnas do profesor Rivera Casas aproveitaron a súa visita para doarlle ao Museo do Mar un dos pupitres nos que estudaban a finais dos setenta e unha maqueta dun barco. Xa pola tarde, e logo do descubrimento da placa honorífica, o alumnado da escola Fernández Montenegro e numerosos veciños participaron nun coloquio no que unha maqueta dunha embarcación da época, realizada polo mariñeiro e veciño da zona, Cipriano Ponte, centrou boa parte dos seus comentarios ao ser elixida coma o símbolo dunhas datas nas que San Cibrao comeza a ser centro cultural de referencia da Comarca da Mariña.
Os actos conmemorativos do 40 aniversario do Museo Provincial do Mar rematan mañá, domingo 11 de outubro. Ás 12:30 horas, este espazo cultural acollerá a actuación do músico Antón Castro. Ás 17:00 horas o relatorio do documentalista pontevedrés Lino Pazos sobre a caza das baleas e, por último, ás 19:00 horas, a actuación do grupo musical Clan Maragato.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
