NOTA DE PRENSA
Desenvolvemento da Lei 11/2007 para a Prevención e Tratamento Integral da Violencia de Xénero
Onte, luns 16 de novembro, ás 19:00 horas, celebrouse no Salón de Plenos da Casa do Concello de Xove un pleno municipal onde o grupo do BNG presentou catro mocións e tres preguntas. Ningún dos outros grupos representados na cámara municipal (PP, AVEXO e PSdeG-PSOE) presentaron moción nin pregunta ou rogo ningún, extremo este que xa se está convertendo en habitual. Xove transfórmase así nun concello onde quen goberna é o BNG e quen executa as ideas e propostas que procuran mellorar a vida dos cidadáns é o alcalde de turno.
Esta lectura do acontecido onte no pleno municipal susténtase no feito obxectivo de que as catro mocións presentadas (apertura do dique norte do Porto de Alcoa, medidas para mellorar o financiamento do concello, petición de retirada da proposta de incremento dos impostos indirectos e desenvolvemento da Lei para a Prevención e Tratamento Integral da Violencia de Xénero) foron aprobadas por unanimidade, algo que tamén ven acontecendo de xeito cotián nos últimos anos con todas as mocións que o grupo do BNG propón na cámara municipal.
O grupo municipal do BNG, por medio do seu concelleiro Xesús Fernández Bouza, solicitou e acadou entre outros o acordo do pleno para instar á Xunta de Galiza a que realice unha planificación para a efectividade das previsións contidas na Lei 11/2007 que están pendentes de desenvolvemento. Bouza pediu en concreto “a creación do Observatorio Galego da Violencia de Xénero e a posta en marcha do Centro de Recuperación Integral, realizar campañas periódicas de sensibilización contra a violencia de xénero, a formación da totalidade das e dos profesionais, e garantir o dereito á atención psicolóxica no ámbito sanitario público”, tal e como recolle o texto legal.
O concelleiro Xesús Fernández Bouza desvelou que o novo goberno da Xunta foi informado do grao de desenvolvemento da lei e mais dos aspectos que restan poñer en marcha, pero que “non se atopa interese ningún no executivo, considerándose prescindíbeis as accións tendentes á erradicación da violencia de xénero” e, en xeral, todas as relacionadas cos servizos sociais básicos para a poboación.
Tamén se atopaba presente no pleno o responsábel local da formación nacionalista en Xove, Marco López, quen declarou que “a violencia de xénero constitúe a manifestación máis clara de desigualdade” e que “na loita pola erradicación deste cancro deben implicarse os poderes públicos e a sociedade”. Porén, López aseverou que nos últimos anos se teñen dado pasos relevantes no eido legal e que “a nivel galego, na pasada lexislatura, aprobouse unha lei específica para a prevención e tratamento integral da violencia de xénero que introduce cambios importantes como, por exemplo, a apertura dos recursos sociais a todas as mulleres con independencia de que conten cunha orde de protección ou non”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
