LUGO .- EXPOMANGA, a pioneira mostra que a Capela de Santa María acolleu durante a fin de semana, recibíu a visita de 600 persoas. Deste xeito, a exposición sobre este estilo gráfico e a cultura xaponesa que organizou o Centro de Artesanía e Deseño (CENTRAD), dependente da Deputación, foi todo un éxito.
Preto do 80% dos visitantes foron mozos cuxas idades oscilan entre os 14 e 34 anos, e un 20% persoas de entre 35 e 49 anos. EXPOMANGA é a primeira mostra deste contido que se celebrou en Galicia, unha iniciativa do organismo provincial en apoio aos debuxantes galegos, e o arte gráfico en xeral que, xunto co Salón do Cómic da Coruña, son os únicos proxectos sobre esta materia que se celebran na Comunidade.
A mostra reuníu obras do artista Sebastián González Ibarra, e todo tipo de material relacionado co mundo do manga, da animación e do cómic, de Tótem, a única tenda na provincia lucense especializada no manga.
O debuxante Sebastián González Ibarra expuxo preto de 20 pinturas, algunhas delas propias, e outras inspiradas en recoñecidas series, películas e cómics. Pola súa banda, Manuel Veiga, propietario de Tótem, amosou cómics, “animes” (debuxos de animación), “Art books” importados dende Xapón (recopilatorio de imaxes manga), figuras de coñecidos héroes, e incluso “cosplays” (traxes de personaxes manga).
Obradoiros de Cestaría
Este luns, dende ás 16:00 horas e ata ás 20:00 horas, o CENTRAD organiza un novo curso de cestaría no centro do Paseo Rato. Trátase da xornada “Cestaría de vimbio-técnicas de lazo”, que se desenvolverá ata o vindeiro 26 de novembro, e na que os participantes fabricarán distintas pezas segundo a técnica de lazos.
Da mesma forma, esta pasada fin de semana, tivo lugar a segunda parte do curso “Cestaría castelá de palla-Bolso”, unha xornada na que os alumnos remataron complexas e laboriosas pezas empregando a técnica castelá nomeada “punto de palla”.
Ao acto, que tivo lugar diante da sede da institución provincial, asistiron deputados e deputadas, membros da corporación provincial e empregados públicos, que gardaron un minuto de silencio como mostra de respecto e solidariedade coas persoas afectadas pola catástrofe. A Deputación quixo así unirse ao chamamento realizado pola FEMP en toda a España, expresando o seu apoio ao pobo venezolano nestes momentos de especial dificultade.
A alcaldesa, Dolores García Caramés, visitouna no seu domicilio para felicitala e entregarlle un ramo de flores en nome de toda a veciñanza. Nada en Sargadelos e veciña de Cervo, foi a máis nova de dez irmáns e desde moi nova traballou no campo e coidou dos animais, sempre cun gran espírito de esforzo. Nai, avoa e bisavoa, a súa familia destaca a súa alegría, enerxía e bo humor. Moi activa ao longo da súa vida, gozaba de viaxar, da praia, de conducir e de participar nas actividades municipais, ademais de cultivar a súa paixón por cantar. Coqueta, sorrinte e cun espírito novo, Benedicta é hoxe un exemplo de vitalidade para todo o municipio.
O Pazo de San Marcos acolleu a conferencia final, de Manuel Andrade Baliño, e a entrega de premios ás alumnas e alumnos que obtiveron mellores valoracións nas probas que realizaron, o xoves, individuais, na Facultade de Formación do Profesorado de Lugo, e o venres, por equipos, en Mondoñedo. A final do certame, cunha axenda complentaria que achegou ás rapazas e rapaces ao patrimonio e á cultura, celebrouse por primeira vez en Lugo da man da Asociación Galega de Profesorado de Matemáticas (Agapema) e coa colaboración da área de Cultura da Vicepresidencia da Deputación.
Por este motivo, o Concello recomenda ás persoas, colectivos e entidades que precisen facer uso dalgunha instalación municipal ou solicitar material que presenten as súas peticións coa antelación necesaria. A medida permitirá organizar adecuadamente a atención das solicitudes e a planificación dos recursos municipais.
Dentro desta programación, o martes 30 de xuño ás 11:00 celebrarase na Casa da Cultura unha charla divulgativa impartida pola astrofísica Lucía González Cuesta, aberta a toda a veciñanza. A iniciativa enmárcase no programa provincial que busca ofrecer información rigorosa e garantir unha observación segura. Durante a xornada repartiranse folletos e gafas homologadas. A alcaldesa, Marta Rouco, destaca o carácter histórico do eclipse e anima a participar para vivilo con seguridade. O Concello lembra que só deben empregarse gafas específicas para mirar ao sol e continuará colaborando en actividades divulgativas e sociais arredor deste acontecemento único.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
A convocatoria foi realizada polo Concello para amosar a solidariedade de Ribadeo con esta catástrofe natural.
