Nota de Prensa
O PLENO DA DEPUTACIÓN DE LUGO APROBOU POR UNANIMIDADE A PROPOSTA DO GOBERNO PROVINCIAL, DEFENDIDA POLO BNG, PARA INSTAR Á XUNTA E AO ESTADO A COMPROMETÉRENSE EN DAR PRAZOS PARA O CORREDOR BARREIROS-FERROL
Antonio Veiga lembroulle ao partido da oposición que “eran os alcaldes do PP os que manifestaban fai catro anos para pedirlle á Xunta o remate deste corredor”
Lugo, 24 de novembro de 2009. O voceiro do Bloque Nacionalista Galego na Deputación de Lugo defendeu unha proposta do grupo de goberno para que a Deputación se dirixa á Xunta de Galiza e mailo Goberno do Estado para que ambas administracións se comprometan a dar prazos fiábeis, acompañados das súas consignacións orzamentarias, para garantir a realización da VAC (Vía de alta capacidade) entre Barreiros e Ferrol o máis axiña posíbel. Esta proposta defendida polos nacionalistas foi aprobada por unanimidade polo pleno do organismo provincial cos votos a favor de populares, socialistas e nacionalistas, abstívose o deputado Manuel Varela que, nese momento do pleno, non podía exercer o seu dereito ao voto por non terse aprobado a súa condición de deputado non adscrito a ningún dos grupos.
O voceiro do BNG manifestou na súa intervención que neste caso as dúas administracións, galega e estatal, tiñan “unha boa oportunidade para apoiar o avance de Lugo e dunha das súas comarcas máis dinámicas”. Durante o debate da proposta o voceiro nacionalista, Antonio Veiga, lembroulles aos deputados da oposición que “eran os alcaldes do PP os que manifestaban fai catro anos para pedirlle á Xunta o remate deste corredor” e que agora tiñan a posibilidade de volver a facerlo, Veiga convidou aos alcaldes da Mariña, algún deles Deputado provincial, a participar que este sábado se celebrará para pedir unha solución ás obras do corredor Barreiros – Ferrol.
A Deputación de Lugo instará á Xunta de Galiza e ao Goberno de España a que se rematen nuns prazos razoábeis unhas infraestruturas viarias que son de vital importancia para o desenvolvemento socioeconómico da Mariña luguesa e tamén da Coruña. Veiga, que valorou o acordo moi positivamente sinalou que “agora tócalles a populares e socialistas facer valer este acordo en Santiago e Madrid respectivamente”.
O acordo tomado pola corporación provincial servirá, ademais de para dirixirse ás Administracións do país e á do Estado, para “facer que a cidadanía sexa consciente deste problema” e, neste sentido, pediu que a Mesa polas Infraestruturas da Mariña –plataforma que se constituíu hai anos para impulsar iniciativas relativas ao desenvolvemento das comunicacións e infraestruturas na comarca- se volvese a reunir.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
