Nota de Prensa
O GRUPO PROVINCIAL DO BNG LEVARÁ A PLENO UNHA PROPOSTA DE ACORDO DE GOBERNO PARA INSTAR Á XUNTA E AO ESTADO A COMPROMETÉRENSE EN DAR PRAZOS PARA O CORREDOR BARREIROS-FERROL
O nacionalista Antonio Veiga recalcou que é necesario que ambas Administracións se impliquen para rematar co agravio en infraestruturas viarias que padece
o litoral cantábrico de Galiza
Veiga sinalou que pode ser un pleno moi interesante o do 24 de novembro xa que é posíbel que se asista a unha oposición bipartita por parte do PP
Lugo, 19 de novembro de 2009. Esta mañá, o grupo provincial do Bloque Nacionalista Galego na Deputación Provincial de Lugo, a través do seu portavoz Antonio Veiga Outeiro, anunciou que o BNG vai presentar no vindeiro pleno do martes 24 unha proposta de acordo de goberno para que a Deputación se dirixa á Xunta de Galiza e mailo Goberno do Estado para que ambas administracións se comprometan a dar prazos fiábeis, acompañados das súas consignacións orzamentarias, para garantir a realización da VAC (Vía de alta capacidade) entre Barreiros e Ferrol o máis axiña posíbel.
Tal como expuxo o nacionalista Antonio Veiga, a proposta de acordo de goberno que se vai someter a aprobación en pleno vai no camiño de facer que a Deputación de Lugo inste á Xunta de Galiza e ao Goberno de España a que se rematen nuns prazos razoábeis unhas infraestruturas viarias que son de vital importancia para o desenvolvemento socioeconómico da Mariña luguesa e tamén da Coruña. Do mesmo xeito, o portavoz provincial nacionalista lamentou os prazos que o conselleiro de Medio Ambiente, Infraestruturas e Territorio daba –respondendo por escrito a unha iniciativa formulada polo BNG no Parlamento Galego- a ollos das previsións orzamentarias feitas polo PP (que reducen a menos dun terzo a asignación para a realización do Corredor, baixando de 17 millóns de euros a 4.5 millons), situando a finalización da VAC San Cibrao-Ferrol no 2017, cando as partidas orzamentarias manexadas polo anterior goberno bipartito situaban o remate desta obra no 2013. Para Antonio Veiga, “os orzamentos previstos polo goberno do PP o único que van facer é agravar o problema das infraestruturas viarias na provincia de Lugo”. O nacionalista Veiga confiou en que esta proposta de acordo teña un respaldo unánime por parte da Corporación Provincial e a iniciativa redunde nun beneficio para a cidadanía da comarca da Mariña.
Ademais de dirixirse ás Administracións do país e á do Estado, Veiga sinalou que este acordo pretende tamén “facer que a cidadanía sexa consciente deste problema” e, neste sentido, pediu que a Mesa polas Infraestruturas da Mariña –plataforma que se constituíu hai anos para impulsar iniciativas relativas ao desenvolvemento das comunicacións e infraestruturas na comarca- se volvese a reunir.
Por outra banda, referíndose á importancia do pleno do vindeiro martes 24 de novembro, o portavoz do grupo provincial do BNG dixo que “ademais da importancia intrínseca deste acordo que se pretende aprobar –xa que é o maior investimento en infraestruturas viarias que se ía realizar na provincia nestes anos-, será un pleno moi interesante xa que á vista dun escrito que presentou o PP solicitando que un dos seus deputados, Manuel Lorenzo Varela, deixe de pertencer a ese grupo, estaremos diante dunha oposición bipartita, se iso se confirma”.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
