NOTA DE PRENSA
Antonio Gato subliña que “é sorprendente que o PP esixa responsabilidades a Besteiro cando nin tan sequera a xuíza adoptou medidas cautelares”
– O voceiro provincial socialista destaca que “un comeza a pensar se o señor Barreiro sabe algo máis que os poderes xudiciais deste asunto. Se isto fose así, sería unha cousa moi grave”
– Critica que se cuestionase a solidez do partido socialista no congreso provincial do PP cando xa se foron 3 edís de Chantada e en Foz outros tantos xa abandonaron o Partido
– Gato Soengas asegura que no encontro “os populares non deron nin unha soa idea e isto cubre outra das eivas que vén presentando o señor Barreiro que é a falta clara de liderazgo”
O voceiro provincial socialista, Antonio Gato Soengas, saiu este venres ó paso das declaracións do Partido Popular nas que esixen explicacións pola investigación das dilixencias que o Xulgado nº 3 mantén abertas e que o Presidente da Deputación, José Ramón Gómez Besteiro, adopte medidas sobre as responsabilidades da Vicepresidenta Segunda, Lara Méndez, e o Deputado da Rede Viaria Provincial, Juan José Díaz Valiño.
Gato Soengas sinalou que “volven a ser sorprendentes as declaracións do Partido Popular porque nin tan sequera a xuíza adoptou medidas cautelares. Como é posible, se existe un segredo de sumario e non se sabe cal é a súa situación xurídica en relación coa investigación. Un comeza a pensar se o señor Barreiro sabe algo máis que os poderes xudiciais deste asunto porque nós non coñecemos nada máis que o que se ten dito. Se isto fose así, sería unha cousa moi grave”.
Asimesmo, subliñou que este insistencia do grupo provincial popular é producida por dous motivos. O primeiro deles, fai referencia a que “cando non hai propostas políticas dende a oposición e cando no congreso provincial non presentan ningún tipo de idea para a provincia e para a cidadáns lucenses, está claro que non nos podemos adicar a outra cousa maís que a crispar. A especulación e a sementeira de dúbidas é o único proxecto político que presentan para os veciños de Lugo”. Para Antonio Gato isto “cubre outra das eivas que vén presentando o señor Barreiro que é a falta clara de liderazgo e que se demostra coa diserción de concelleiros en distintos Concellos. Ó voceiro do PP xa se lle foron edís de Chantada, Monterroso, Viveiro e Foz.”.
Asimesmo, tamén se referiu ás incorporacións do Partido Popular e que se deron a coñecer no congreso provincial. “Chama a atención cando se fala de renovación que se den nomes como os de Manolita, Celso Currás ou Iravedra, que levan militando nesta formación política dende hai anos”.
Antonio Gato indicou que o segundo proxecto que presentaron é recuperar a Deputación. “Barreiro debería de ser máis comedido porque non lle vin que fose de gañador en distintos procesos políticas, senón que máis ben foi un perdedor, polo que lle pido respeto á institución e ós órganos xudiciais. Solicítolle de novo rigor e cautela, xa que esta é unha Casa transparente dende que chegamos ó goberno e que está ó servizo dos Concellos. Ademais de crer na presunción de inocencia tamén creo nos meus compañeiros”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
