Nota de Prensa
O GPPP asegura que a Deputación mentiu sobre a cuantía que ía destinar a reparar os danos ocasionados polo Klaus
* González Barcia di que a partida adicada a arranxar os desperfectos nas instalacións deportivas é de 56.000 euros e non de 300.000 coma dixeron no seu día Antón Bao e Antonio Veiga
Lugo, a 17 de decembro de 2009.- O Grupo provincial Partido Popular tachou con “rotundidade” que a contía das axudas que a Deputación provincial destina a reparacións en instalacións deportivas polos danos causados polo temporal Klaus son “unha limosna, exactamente 9.317.000 das antigas pesetas, 56.000’00€, para toda a provincia”.
O voceiro adxunto dos populares, José María González Barcia, afirmou que así queda en evidencia a demagoxia que no seu día fixeron Antón Bao e Antonio Veiga: “fartáronse de asegurar nos medios de comunicación que a Deputación colaboraría de forma inmediata no arranxo dos desperfectos, que aportaría fondos, e mesmo enviou unha carta ós concellos apremiando a que se enviase canto antes unha valoración dos danos”.
Dende o GPPP, asegurou Barcia, “xa adiantamos que non ía haber máis fondos para paliar os efectos do Klaus. O que había, estaba nos orzamentos, e así quedou demostrado nunha moción que o propio Grupo Provincial Popular presentou no seu día. Daquela, o voceiro do BNG dixo que se destinarían 300.000 euros pero mentiu porque a documentación que nós manexamos cifra as axudas en 56.000 euros. Os 300.000 é a suma total das aportacións das subvencións de Deportes ós concellos de toda a provincia”.
Por riba, segundo indicou o voceiro adxunto dos populares, estas axudas apróbanse con dez meses de retraso, cando moitos concellos xa teñen feitas e pagadas as obras, e “para colmo serán aboadas dentro de tres ou catro meses como moi rápido. En resumo, é uha tomadura de pelo”.
González Barcia asegurou que “a política de engano masivo, de usar o clientelismo e de manexar cartos de todos os lucenses con criterios partidistas é un escándalo” e augura que “esa actitude vaille pasar factura ó bigoberno provincial, especialmente ó BNG, que é o responsable de xestionar esta área”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
