LUGO .- A Vicepresidenta Segunda da Deputación, Lara Méndez, clausurou este xoves as Xornadas sobre a comercialización de produtos ecolóxicos de orixe animal, que organizou a Fundación Centro Tecnolóxico Agroalimentario de Lugo, e que, durante dous días, acolleu no Pazo de San Marcos a expertos e técnicos de todo o país, así como de distintos puntos de Europa, para debater sobre que falla no proceso de comercialización dos produtos ecolóxicos de orixe animal. Neste senso, Lara Méndez reivindicou a implicación de todas as institucións para potenciar a venda destes produtos que “son parte importante do motor da economía galega”.
Durante o acto, no que tamén estiveron presentes o Alcalde de Lugo, José López Orozco, o Xefe Territorial da Consellería de Medio Rural, Ramón Carballo, a Directora Xeral de Industria do Ministerio de Medio Ambiente, Isabel Bombal, o Vicereitor da USC, Carlos Herrero, o Director de CETAL, Eduardo Vidal, e o Presidente de CRAEGA, José Antonio Fernández, a Vicepresidenta Segunda destacou que “Galicia é a terceira comunidade en España co maior número de cabezas de vacún, e a segunda por capacidade en granxas avícolas”.
A representante do organismo provincial explicou que Lugo é a provincia galega co maior número de explotacións gandeiras de carne vacún, ovino e avícola. “A Deputación tivo moi claro desde o primeiro momento, que os produtores, e as empresas alimenticias luguesas, necesitan a nosa axuda para impulsar os seus negocios e a súa economía” incidíu.
Neste senso, Lara Méndez explicou que, malia os datos, “os produtos ecolóxicos e autóctonos non teñen a demanda que merecen. Por iso, plantexámonos varias causas: a falta de información, ou o proceso de comercialización, e buscamos respostas. Por iso, puxemos en marcha varias liñas de actuación dentro do programa europeo Lug02, dotado de 5 millóns de euros, e cofinanciado nun 70% por fondos de la Unión Europea”.
Neste senso, a Vicepresidenta Segunda explicou que o organismo provincial está creando un portal web para a comercialización dos produtos. “Será unha tenda on-line, onde se darán a coñecer os alimentos, e se porán a venda evitando intermediarios na cadea de distribución, e logrando maiores ingresos para os nosos produtores”.
“Os mellores produtos”
Lara Méndez incidíu en que na web, que se situará dentro da páxina de Internet de
Lug02, comercializaránse só produtos ecolóxicos e autóctonos da marca Lugo-Sabe. “Trátase da nosa marca de calidade, un certificado oficial e con características propias que fará que os nosos alimentos non sexan bos, senón os mellores”.
A Vicepresidenta Segunda subliñou que, ademais, a Deputación traballará en colaboración coa Universidade de Santiago de Compostela na mellora xenética do gando nas instalacións do Centro de Recría da Granxa Gayoso-Castro. “Trátatase do primeiro centro de recría público de España, que permitirá triplicar a capacidade de gando vacún, e aforrará cartos aos nosos gandeiros”.
A representante provincial concluíu apuntado que “a Deputación aposta polos produtos ecolóxicos, colabora no fomento da súa comercialización, e está convencida de que, con estas xornadas, e se todos os que aquí estamos presentes traballamos na mesma senda, faremos que, pola nosa saude, e pola nosa economía, os produtos ecolóxicos estén presentes en todos os mercados”.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
