NOTA DE PRENSA:
O BNG DE VIVEIRO CALIFICA O LABOR DE GOBERNO NO ANO QUE REMATA COMO MOI DEFICIENTE.
O Bloque Nacionalista Galego fai un balance do ano que remata e califica o labor de goberno como moi deficiente.
En primeiro lugar, seguimos sen contar con orzamento para o ano 2010. Xa non o houbo no 2009. Todos os anuncios feitos polo sr. Alcalde foron fogos de artificio. Anunciou en reiteradas ocasións o Plan Económico Financieiro e mesmo lle puxo data, o mes de setembro, mais este plan nunca veu a luz. Anuciou tamén a presentación dos orzamentos xerais para o ano vindeiro e nada se cumpriu. As débedas a proveedores son cuantiosas. O “volva vostede mañá” é a frase maís habitual que se oe nas oficinas municipais e tamén no despacho a pé de barra.
O BNG xa ten dito noutras ocasións que estas graves deficiencias teñen responsabeis políticos por moito que se queira dar a imaxe de presentalas como eivas imputábeis ao Servizo de Intervención. Como é sabido este Servizo foi reforzado hai xa tres anos co inicio do mandato en solitario do PSOE, cun técnico de servizos financieiros.Portanto os causantes desta situación, insistimos, teñen nomes e adxetivos: o todopoderoso señor Roel e o escapista señor Amor. Nen máis , nen menos.
O BNG entende tamén que o asociacionismo de base está a minguar día a día. Si co cogoberno, onde nós participabamos, estas asociacións contaron co apoio imprescindibel para facer unha programación durante todo o ano, agora algunhas xa teñen desaparecido. Poderíamos por exemplos, mais deixámolo para unha avaliación posterior , con máis vagar, onde demostraremos que aquelas actividades que non son do agrado do señor, desaparecen.
Poderiamos tamén facer unha listaxe de promesas incumpridas que convirten a este alcalde no mellor vendedor de fume de toda a Mariña. No seu día publicaremos un ranking co título dos “contos” máis escoitados.
En definitiva o BNG ve un goberno onde os compoñentes da Xunta Local están simplemente desaparecidos ou son pura decoración de cartón pedra, asistentes traxeados a procesións e desembarcos renacentistas e outros saraos.
O BNG está a analizar , cos datos dos que dispón, a situación económica do Concello. Daquela daremos cumprida conta aos veciños e contribuintes de cal é a situación real, xa que os que o deberían facer nen están polo labor, nen se agarda que o fagan.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
