Nota de Prensa
Veiga urxe que o gas chegue a Mariña antes de 2012
O BNG demanda ao Ministerio de Industria a que licite o tramo Mariñao do Gasoducto
O Bloque Nacionalista Galego ven de rexistrar unha Proposición non de Lei no Congreso dos Deputados na que insta ao Ministerio de Industria para que adxudique as obras da rede de transporte primario nos tramos Guitiriz-Lugo e o gasoducto da Mariña Luguesa o máis axiña posíbel para garantir a súa posta en marcha non máis aló de 2012.
A proposta dos nacionalistas é coherente co acordo unánime da cámara galega do 29 de Setembro de 2009 no que urxía ao Ministerio de Industria a que se desbloquease a adxudicación das obras desta infraestructura tan importante para o desenvolvemento económico da Mariña. Neste sentido o Portavoz Comarcal do BNG afirmou “ que a posta en funcionamento do gasoducto da Mariña é unha actuación central para a nosa dinamización económica, na medida que vai permitir diminuír os costos de explotación a moitas empresas da Comarca. Non contar cunha rede gasística sitúa ao noso tecido industrial nunha situación de dificultades para competir con outros territorios de Galiza, nun contexto de aumento dos prezos do gasóleo e da electricidade”. Veiga lembrou tamén que a propia Alcoa facíase eco recentemente da necesidade que o gas chegase a factoría de San Cibrao a fin de aumentar a competitividade deste centro de traballo. “Hai que ter en conta que estamos diante dun grande consumidor eléctrico, no que a marxe de beneficio ven definido polo costo da factura eléctrica” recalcou Veiga.
Os nacionalistas recordaron que as infraestructuras gasísticas contempladas na planificación dos sectores do gas e a electricidade para o período 2008-2016 aprobada no pasado mes de maio, e en concreto no que afecta ao noso territorio, é preciso acometer as obras para incrementar a capacidade de transporte, polo que se precisa de un reforzo do Gasoducto Troncal Galego, que tería que estar incorporado no proxecto reforzo Eixo Norte. Nesta liña é preciso acometer as obras pendentes nos tramos Guitiriz – Lugo e Lugo – Villafranca del Bierzo, así como o ramal da Mariña, planeando a súa construcción para os anos 2012 e 2013 respectivamente con un total de 120 quilómetros de longo.
O Bloque Nacionalista Galego lembrou que segundo establece o Real Decreto lei 6/2009, de 30 de abril no que se establecen medidas que afectan directamente ao sector enerxético, define que os gasoductos da rede primaria que formen parte da rede mallada teñen que ser autorizados de forma directa á empresa que teña a xestión técnica do sistema. No caso desa importante infraestructura o xestor técnico do sistema é a empresa Enagás
Xa por último Veiga afirmou que “o propio de Industria ten recoñecida que mantén pendente a adxudicación da construcción da fase Guitiriz – Lugo, o que nos leva a pensar que esta infraestructura non estea en funcionamento nos prazos establecidos. Asemade por parte do Goberno do Estado tense tamén afirmado que fica pendente a construcción do ramal da Mariña do referido gasoducto, isto é a liña, que arrancando do corredor troncal de servicio aos Concellos da Mariña desde Ribadeo a Viveiro”
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
