Nota de Prensa
O BNG AFIRMA QUE O PP NUNCA QUIXO QUE FOZ TIVERA UN PAC NIN SERVIZO DE URXENCIAS
Basanta acusa a Balseiro de defraudar aos veciños de Foz e require do PP local que se posicione
Foz, 18 de decembro de 2009.- Diante das manifestacións no Parlamento da Directora de Asistencia Sanitaria do SERGAS, Neves Domínguez, o BNG ten que manifestar a súa decepción e a súa disconformidade coas palabras da responsable do PP na Xunta xustificando a negativa de implantar un servizo de urxencias no Centro de Saúde de Foz.
O PP nunca quixo que Foz cóntase con urxencias
Esto ven a ratificar que o PP desde un principio nunca quixo que Foz contase cun servizo de urxencias que mellorara a calidade asistencial do noso concello. Negoullo, por motivacións exclusivamente partidistas, cando deseñou o mapa sanitario da comarca da Mariña, sendo o único centro de poboación importante que quedou sen el. E negoullo novamente nesta lexislatura, non poñendo nin un só euro nos orzamentos recentemente aprobados pola Xunta e, se atendemos ás declaración da Sr. Domínguez, negárallo durante os anos seguintes que goberne o PP a Xunta.
O BNG está convencido que os argumentos que utiliza a directora de asistencia sanitaria non son cribles nin fundamentados. Afirma que Foz ten unha media de 14 minutos ao PAC de Burela pero suponse que ela é consciente de que no caso dunha urxencia os minutos non son de sesenta segundos e que roubarlle un minuto ou segundos ao relóxio significa sacar a un paciente adiante ou non. Ademais, hai que considerar que as Urxencias no Hospital da Costa está colapsado co que se aliviaría moito esta circunstancia. Tamén xustifica a súa negativa porque Foz foi mellorando en servizos na anterior lexislatura sen darse conta que todo o conseguido non foi regalado senón debido á loita encomiable do pobo de Foz en defensa dunha sanidade pública e de calidade, todo o contrario do que pretende o PP, esto é, unha sanidade privatizada, máis cara e de peor calidade. E o que queremos os focegos é seguir mellorando contando cun servizo que é do máis xusto.
Onde está o voto do Sr. Balseiro?
Todo esto significa que o PP xogou coa saúde dos focenses cando, sobre todo a través do seu deputado mariñán o Sr. Balseiro, utilizou o servizo de urxencias como arma electoral e incluso chegou a presentar en varias ocasións iniciativas no Parlamento para demandar dito servizo. Agora non nos queda máis que pensar que o Sr. Balseiro xa conseguiu o que se propuña –apoltronarse nun asento da Mesa do Parlamento e ter chofer propio- e que en realidade todo este tempo estivo enganando os veciños e veciñas de Foz, facéndolles crer que era un problema que lle preocupaba, tanto a el como o seu partido. Pero o tempo pon o quita razóns e aquel animoso deputado converteuse, unha vez chegado ao poder, nun deputado mudo, obediente e calmoso. ¿Non era este mesmo deputado o que lle pedía un voto ao BNG para sacar adiante o servizo de urxencias para Foz? ¿A onde foi agora o seu voto que serviría para implantar o servizo de urxencias tan demandado pola cidadanía?
Que opina o PP de Foz?
Tamén sería bo que o PP local abrise a boca e manifestase que opinión ten deste novo desplante da Xunta con Foz porque hai que recordar que eles apoiaron varias mocións no Pleno da Corporación instando á Xunta a implantar o servizo de urxencias. Sería bo saber con quen están os membros do PP de Foz, se cos veciños de Foz esixindo un servizo sanitario básico como as urxencias ou cos seus dirixentes que nolo negan.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
A programación presentouse na Delegación Territorial de Lugo, nun acto no que participaron o delegado territorial, Alfonso Villares; o alcalde, Francisco Balado; e representantes da entidade organizadora. Villares lembrou que a asociación recuperou o ano pasado a tradicional celebración do Corpus Christi na parroquia e destacou o seu labor impulsando actividades que fortalecen a convivencia. A xornada comezará ás 13:00 horas coa misa e a sesión vermú, continuará ás 15:00 co xantar popular e incluirá sorteos, animación musical, unha cea a base de petiscos e verbena.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
