SANTIAGO .- A conselleira de Sanidade e presidenta do Servizo Galego de Saúde, Pilar Farjas Abadía, sinalou hoxe, no Pleno do Parlamento, que “o Goberno galego ten un compromiso por prestar servizos públicos de calidade, en tempo e forma, con equidade, cunha xestión eficiente, e o máis preto posible do lugar de residencia das persoas”. En consecuencia, “os servizos de Atención Primaria e os hospitais comarcais son e serán estruturas fundamentais que non só se van manter, senón que a súa capacidade de resolución verase reforzada”.
Pilar Farjas reiterou que a o seu departamento “non ten previsto suprimir ningún servizo para os cidadáns da Mariña lucense ou de Monforte”. Dende logo, “non vai anexionar Burela na área de Ferrol, como tiña previsto facer o bipartito”. De feito, “vaise ubicar unha ambulancia medicalizada en Foz, para reforzar a atención sanitaria urxente e os posibles traslados de pacientes da Mariña lucense”.
Asemade, tanto no Hospital da Costa como no de Monforte “estanse a realizar ou previstas diversas melloras”. Así, no centro sanitario da Costa, a pesar de terse aprobado un plan funcional no último trimestre de 2008, non quedou consignado nos orzamentos de 2009.
As obras de reforma do andar de Tocoxinecoloxía estaban previstas para xaneiro do presente ano, “pero foron pospostas porque non contaban coa aprobación dos profesionais”. Para esta obra prevíase, inicialmente, un investimento de 661.564 euros, pero como foi necesario mellorar, con posterioridade, os espazos das instalacións, redactouse un modificado, sendo o investimento total en obra de 793.703 euros.
Na actualidade, dixo a conselleira de Sanidade, está previsto reiniciar as obras en febreiro de 2010, polo que se estima a súa finalización no segundo semestre do ano.
Polo que se refire á reforma da cuberta e rampla no Hospital da Costa, na actualidade atópase xa supervisada e pendente de saír a licitación, por un importe de 615.400 euros.
Outras melloras realizadas neste ano, por un importe de 22.300 euros, son a reforma urxente da entrada das urxencias, por 16.300 euros; e a posta en marcha da reforma da admisión, tamén de urxencias, para engadir un espazo á actual sala, por 6.000 euros.
Ademais de todo o antedito, melloráronse os equipamentos do hospital, por valor de 200.000 euros.
Polo que atinxe, ao Hospital Comarcal de Monforte, está en fase de supervisión a reforma das fachadas do centro. Nos orzamentos de 2010 hai previstos 275.000 euros para a licitación desta obra.
En canto á reforma de laboratorios e consultas externas, está redactado o proxecto e supervisado, polo tanto, xa pendente de sacar a licitación. O investimento previsto para esta reforma ascende a 1,8 millóns de euros.
Outras obras realizadas, por un importe de máis de 315.000 euros, son, a substitución das cañarías de auga quente por tubaxes de aceiro inoxidable; a substitución de cadros eléctricos nos distintos andares do hospital; o entronque da liña de alta tensión; a substitución da central de chamadas en habitacións de pacientes; ou a impermeabilización de terrazas.
Engadido a todo o anterior, xa a está a funcionar o PAC de Monforte, reformado e ampliado. Esta obra consistiu nunha reforma do baixo andar do hospital, para albergar o servizo de urxencias de Atención Primaria, por un importe de máis de 458.000 euros.
Para finalizar a súa intervención, Pilar Farjas reiterou que o Goberno que preside Núñez Feijóo é consciente da importancia dos servizos sanitarios para a poboación, “e está comprometido non só a mantelos, senón, a melloralos”. Destacou, igualmente, a titular da carteira sanitaria do executivo galego, que o plan funcional do bipartito para o Hospital da Costa limitouse, unha vez máis, “a papeis e presentacións baleiras de contido”, sen ningunha partida orzamentaria prevista nos presupostos do 2009.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
