Nota de Prensa
Rivera nega agora a validez dun informe que el mesmo remitiu en abril a Urbanismo para solicitar a suspensión das normas e a elaboración dunha normativa provisoria
Foz, 19 de decembro de 2009.- As declaracións que ven de facer públicas o Alcalde de Foz, José María García Rivera, en relación cun informe do Arquitecto Municipal , con data 21 de Abril de 2009, no que afirma que se procedeu a modificar en 1990 as Normas Subsidiarias de Planeamento, lonxe de aclarar ningún dos supostos plantexados polo técnico municipal competente na materia, o que veñen é a criar aínda máis confusión, na medida en que non desminte o feito obxecto do escrito do técnico. Non é o BNG quen está afirmando que se prescindiu do procedemento legal para modificar o planeamento, senón os propios servizos do Concello, polo que as afirmacións de Rivera semellan escusas coas que pretende agochar a súa responsabilidade neste feito particularmente grave.
Na mesma liña a afirmación de Rivera de que existe no Concello un informe da Dirección Xeral de Urbanismo, que segundo o Arquitecto Municipal, recolle que as ordenanzas SU/NR (Solo urbano de Núcleo Rural) e SNU/A (Solo Non Urbanizable de Aldeas) das NSP non son de aplicación ás delimitacións de núcleo aprobadas pola Comisión provincial de Urbanismo de Lugo en 1991 o que fai é aumentar a nosa preocupación. O BNG considera que Rivera debe facer público este informe para que os grupos da Corporación e os veciños de Foz coñezamos o mesmo en todos os seus termos e sobre todo para saber os fundamento de dereito desta resolución, así como o seu alcance xurídico. Non deixa de ser curioso que o Alcalde poña en dúbida a validez do mesmo, isto é, volve a súa liña clásica de cando algo lle quita a razón en termos legais non lle da validez. En todo caso se non ten nada que agochar sobre o mesmo, que o faga público.
O Bloque Nacionalista Galego tamén demanda que Rivera faga públicos eses informes que segundo el lle quitan a razón tanto ao informe do arquitecto municipal como ao informe da dirección xeral de urbanismo. Non hai que esquecer, e Rivera debía sabe-lo ben, por ser especialista en pantanais urbanísticos, que a persoa competente no Concello de Foz para informar sobre esta materia é o arquitecto municipal segundo se establece na clasificación funcional de postos de traballo do Concello así como na convocatoria da praza do mesmo recollido tanto no BOP como no DOG. Así e todo, resulta escandaloso que Rivera lle reste validez ao Informe do Arquitecto Municipal, cando el mesmo votou mao deste informe, e mesmo llo remitiu con data 22 de Abril de 2008 (rexistro de Saída nº487 do Portelo único do Concello) ao Director Xeral de urbanismo , para que en base as consideracións nel recollidos se procedese a suspender o planeamento do Concello de Foz e se procedese a dictar por parte da Xunta de Galiza unha normativa provisional.
Neste sentido os nacionalistas queremos informar aos veciños de Foz que con data 22 de Abril de 2008 (rexistro de Saída nº487 do Portelo único do Concello) Rivera diríxese á Dirección Xeral de Urbanismo afirmando que: ”solicito ante esa Consellaría que se proceda a iniciar o correspondente expediente regulado no artigo 96 da Lei do Solo de Galicia pola que suspenda en todo ou en parte, a vixencia das normas Subsidiarias de Foz do ano 1981” para rematar afirmando na solicitude de suspensión “acompañase a este escrito informe do Arquitecto Municipal”. Que curioso que o escrito que agora lle resta validez é este informe do arquitecto municipal do 21 de Abril de 2009. Que cambiou desde o 21 de Abril de 2009 até hoxe?. Por que o que era válido hai menos de seis meses, agora non vale? Pódese ser tan irresponsábel de pretender adoptar unha decisión de tal envergadura, como a suspensión do planeamento, e agora afirmar que o informe que a sustenta non se axusta á legalidade?. Remitiu copia a Dirección Xeral de Urbanismo deses supostos informes que negan o contido do exposto no informe do Arquitecto Municipal?. É igual de grave que a de Barreiros a situación de Foz para solicitar a suspensión do planeamento e a elaboración dunha normativa provisional?
O Bloque Nacionalista Galego considera claros e probados tres feitos:
a) Que existe un informe do Arquitecto Municipal 21 de Abril de 2009, no que afirma que se procedeu a modificar en 1990 as Normas Subsidiarias de Planeamento de xeito ilegal.
b) Que existe un informe da Dirección Xeral de Urbanismo que abonda sobre a aplicación indebida das ordenanzas das normas do 81, en determinadas bolsas de solo do Concello.
c) Que o informe de 21 de Abril de 2009, ao que hoxe lle nega validez, foi remitido por Rivera á Dirección Xeral de Urbanismo o 22 de Abril de 2009 para que en base ao mesmo a Xunta procedese a suspender o planeamento como en Barreiros ou Viveiro.
Xa que logo os nacionalistas demandamos de Rivera que rectifique as declaración feitas sobre o traballo dos servizos municipais e dea explicación convincentes sobre estes feitos que relatamos e que de xeito sucinto lle resumimos neste último parágrafo.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
