NOTA DE PRENSA
O GPPP asegura que a Deputación aprobou no 2009 facturas con disconformidade de Intervención por importe de 2,2 millóns de euros
* Critican que na administración provincial continúe a imperar a vagancia e a ausencia de control sobre o gasto
* Os populares instan a Gómez Besteiro a reflexionar e a asumir dunha vez por todas a defensa dos intereses da provincia coa presentación de proxectos que contribúan o seu desenvolvemento
Lugo, a 18 de xaneiro de 2010.- O Grupo provincial do Partido Popular asegura que o equipo de goberno da Deputación que lidera José Ramón Gómez Besteiro encetou o novo ano coas mesmas malas prácticas dos exercicios anteriores. É dicir, segue a imperar a vagancia e a ausencia de control sobre o gasto. Así o afirmou hoxe nunha rolda de prensa o voceiro adxunto dos populares na administración provincial José María González Barcia.
O deputado popular explicou que os responsables da administración provincial estableceron como hábito recurrir á aprobación de gastos vía decreto do Presidente. De feito, durante o pasado mes de decembro deuse luz verde por este método a gastos, que carecían da pertinente consignación orzamentaria, por importe de preto de medio millón de euros “pese a que, como cando os levaban ás xuntas de goberno, seguen a contar con informes desfavorables de Intervención”.
Os decretos foron asinados con data de 9, 11 e 29 de decembro por importe de 244.063,39; 34.906,49 e 195.421,43 euros respectivamente.
Segundo as contas dos populares, durante o pasado ano os responsables da Deputación deron o visto bo a facturas con informes negativos de Intervención por un importe total de 2,2 millóns de euros, o que vén a supoñer preto do dous por cento do orzamento da institución provincial.
Dende o GPPP instaron a José Ramón Gómez Besteiro e ó seu equipo a reflexionar sobre o seu papel ó fronte da institución provincial e apelaron a súa responsabilidade para trocar de actitude. “A Deputación debe liderar, coa presentación de proxectos comprometidos e decididos, a recuperación económica desta provincia e non limitarse, como agora, a ser unha mera xestora de subvencións”, apuntillaron.
Ademais, segundo explicou Barcia, as xuntas de goberno da Deputación seguen a carecer de contido, ó tempo que se mantén coma constante a ausencia dos seus membros. Coma exemplo deste último aspecto referíronse á segunda reunión do ano, a celebrada o pasado 8 de xaneiro, á que só asistiron catro dos nove integrantes, e na do día 15, cinco de nove. “Principiaron o ano con gañas de traballar”, asegurou con ironía González Barcia.
XUNTAS DE GOBERNO CON MEROS ASUNTOS DE TRÁMITE.-
Así, no que atinxe á orde do día da xunta de goberno do pasado venres, os “relevantes” asuntos tratados restrinxíronse á aceptación da renuncia dunha subvención dunha comunidade veciñal, á ampliación do plazo para que as asociacións justifiquen subvencións e á aprobación dun proxecto de modificación da obra de rehabilitación de vivenda para restaurante no Pazo de Tor. Unha actuación que, segundo puntualizaron os populares, estaba prevista e adxudicada en 2006 por importe de 425.000 euros pero que, “sen razóns aparentes” o equipo de Gómez Besteiro mantivo paralizada ata agora.
“O Goberno que lidera Gómez Besteiro segue a amosar no 2010 a mesma incapacidade para tomar decisións que revistan certa relevancia para esta provincia que os anos precedentes. Non se presentan proxectos nin actuacións que supoñan ningunha mellora sustancial para o desenvolvemento económico ou para a dotación de máis servizos para os lucenses. Non hai traballo e eso nótase nos resultados. A crítica está xustificada porque as xuntas de goberno mencionadas non son unha excepción, senón unha constante coma reiteradamente vimos denunciando”, explicou.
“Cos orzamentos deste ano aprobados é tempo de presentar proxectos pero o ritmo de traballo é tan lento que o tempo vénselle encima incluso para aprobar a concesión de subvencións. De feito o pasado 28 de decembro tiveron que meter a toda prisa todas as axudas que quedaban pendentes en cultura e deportes porque do contrario xa se iban ó ano 2010”, engadiu.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
