Nota de Prensa
Os populares afirman que afortudamente rematou o tempo no que o bipartito autonómico vetaba calquera iniciativa que puidera redundar en beneficio dos veciños do noso concello
O PP AFIRMA QUE A OPOSICIÓN EN CERVO ESTÁ “FÓRA DE XOGO” TRAS OS ÚLTIMOS PROXECTOS E INVESTIMENTOS COMPROMETIDOS POLA XUNTA PARA O MUNICIPIO
* Presentan ao PSOE como un partido incapaz de levar adiante unha soa xestión positiva para o concello e que pretende agora apropiarse das iniciativas impulsadas polo Goberno municipal como o Obradoiro de emprego e o apoio a Sargadelos.
* “Co trigo que nos deron desde o BNG moita fame pasamos en Cervo” espetan os populares aos nacionalistas tras asegurar que o BNG borrou do mapa de Galicia a este concello, e salientar que son o único grupo municipal que cuestiona e critica a creación dunha residencia con centro de día.
Cervo, 21 de xaneiro de 2009.- O Partido Popular afirma que os grupos da oposición en Cervo (PSOE e BNG) están “fóra de xogo” tras coñecerse os últimos proxectos e investimentos comprometidos pola Xunta para o municipio. Os populares din que afortudamente rematou o tempo no que o bipartito autonómico vetaba calquera iniciativa que puidera redundar en beneficio dos veciños e que agora o Executivo que lidera Alberto Núñez Feijóo é unha fonte permanente e constante de boas novas que contribuirán non só a mellorar múltiples servizos municipais, senón tamén a garantir o desenvolvemento futuro e o progreso deste concello.
MELLORAS NO SANEAMENTO E BENESTAR
Os populares cervenses felicítanse pola achega de máis de un millón de euros para a construción da estación depuradora de augas na capital municipal e para as obras de mellora no saneamento desta localidade actuación adxudicada días atrás pola Xunta, e que implicarán a mellora no saneamento. Amósanse satisfeitos tamén polas últimas boas novas en materia de benestar, despois de que a Xunta acordara dotar dunha residencia con centro de día ao municipio. En opinión dos populares estas e outras actuacións promovidas pola Xunta popular contrastan co acontecido ata o de agora e deixan en evidencia a falta de compromiso dos partidos da oposición cervense. Demóstrase sen espazo para dúbidas quen defende axeitadamente os intereses dos veciños e quen non o fai en referencia a socialistas e nacionalistas.
APROPIARSE DE IDEAS ALLEAS
No PP aseguran que o PSOE, durante estes catro últimos anos, e a pesar de ter Gobernos da súa mesma cor política tanto na Xunta -o anterior bipartito- como na Deputación, foi incapaz de desenvolver unha soa xestión positiva para o concello. De feito fixo todo o contrario, prexudicando os intereses dos veciños como aconteceu cando a Xunta bipartita rescindiu o contrato de saneamento integral de San Ciprián hoxe afortudamente recuperado.
Os populares pensan que os socialistas van a rebufo e que incluso pretenden apropiarse das iniciativas impulsadas desde o Goberno municipal. Exemplifican a devandita acusación lembrando o acontecido en relación coas iniciativas de fomento do emprego. De feito, é o Goberno municipal quen está a traballar pola posta en marcha en Cervo dun Obradoiro de emprego e dunha batería de medidas en apoio das empresas Cerámica de Sargadelos e de Alcoa e as súas auxiliares. Iniciativas que agora os socialistas pretenden facelas pasar como propias se escoitamos as súas últimas declaracións nos medios de comunicación pero ás que o PSOE chega con meses de atraso.
O BNG EN NEGATIVO
O PP de Cervo censura tamén a actitude dos nacionalistas locais e neste caso recuperando un simil empregado polos nacionalistas explican que “co trigo que nos deron as áreas nacionalistas da Xunta na anterior lexislatura moita fame pasamos en Cervo” xa que este concello desapareceu do mapa de Galicia para as consellerías do BNG que actuaron como se non existiramos.
Os populares lamentan especialmente que o voceiro local do BNG sexa o único que cuestiona e critica a creación dunha residencia con centro de día en San Ciprián e felicítanse porque esta noticia teña lugar agora, pois con toda probabilidade se fora un proxecto consignado con anterioridade, o BNG actuaría como fixo co Cinto Industrial de Alcoa, isto é deixar sen efecto o proxecto e borrarnos unha vez máis do mapa.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Conta con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibirán as súas pezas de tornería en madeira. Tamén acolle a XVIII edición da Exposición CONtornos. Entre os participantes, destaca a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Estímase que ata o domingo se acheguen a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
