NOTA DE PRENSA
O MUSEO HISTÓRICO DE SARGADELOS LEVA UN MES PECHADO PARA DECEPCIÓN DE MOITOS VISITANTES
Nin concello nin Consellaría de cultura supliron con persoal complementario as vacacións do persoal que o atende asiduamente
Cervo, 8 de xaneiro de 2010. O Museo Histórico de Sargadelos mantén as súas portas pechadas dende o 9 de decembro, data na que a responsábel das instalacións colleu as súas vacacións regulamentarias. Os nacionalistas denuncian esta situación, que deteriora a imaxe pública do concello de Cervo, xa que si asiduamente son moitas as persoas que visitan o Conxunto Histórico de Sargadelos e o seu Museo, moito mais en plena época vacacional, cando se produce un incremento importante de visitas. Dous meses despois da súa primeira visita a Sargadelos a Superdelegada, volve a Cervo e no canto de reunirse na sede do Real Patronato de Sargadelos do que e Vicepresidenta, faino na sede do “Ecomuseo Cervo”, un proxecto virtual perfecto para facer anuncios virtuais.
O BNG pedirá explicacións ao Alcalde polo peche do Museo de Sargadelos durante un mes.
Xoán Antón Estúa García, portavoz municipal do BNG, presentou un escrito no concello onde pide explicacións polo peche durante un mes do Museo Histórico de Sargadelos, o nacionalista quere coñecer si o concello ten algunha responsabilidade nesta situación ou si corresponde exclusivamente á Consellaría de Cultura, e en calquera caso cales foron as xestión realizadas polo goberno municipal para evitar esta situación, si é que fixo algunha, nun dos centros de atracción turística mais importantes do concello e tamén da Mariña Luguesa.
Estúa criticou a actitude irresponsábel dos responsábeis de manter abertas as instalacións, sendo coñecedores da concesión de vacacións á persoa que habitualmente as atende, que non foi suplida por outra persoa. O nacionalista constatou que os anuncios realizados pola Delegada da Xunta en Lugo, Raquel Arias, na súa visita do mes de novembro a Sargadelos “foron un brindis ao sol, xa que o servizo telefónico segue sen funcionar e agora tampouco hai persoal”.
Os novos anuncios en materia turística da Xunta non podían escoller mellor lugar para facerse
Estúa preguntouse si o alcalde de Cervo, Alfonso Villares, non aproveitou a visita a Cervo da Secretaria Xeral de Turismo, para queixarse da situación, “que dende logo non deixa en moi bo lugar a imaxe turística de Cervo” . Ao nacionalista chamoulle a atención que a reunión mantida na tarde de onte non se celebrase na Casa da Administración, sede do Real Patronato de Sargadelos, cuxa vicepresidenta e Raquel Arias, “é premonitorio que para facer anuncios virtuais se utilicen museos virtuais, mentres os que xa existen fican abandonados e sen a atención que corresponde”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
