RIBADEO (FNC) .- O Concello de Ribadeo ven de propoñer que a Casa da Ría se convirta na sede da Reserva da Biosfera Río Eo, Oscos e Terras de Burón.
O informe enviado á Dirección Xeral de Sostibilidade e Paisaxe recolle que con máis de 10.000 habitantes na actualidade, Ribadeo é o municipio máis poboado do territorio da Reserva, duplicando prácticamente ao segundo dos que a integran que é A Fonsagrada. O rexedor, Fernando Suárez, sinala que “desde o punto de vista comercial, así como de ocio e turismo, Ribadeo é o centro dunha comarca que abrangue A Mariña Oriental e o Occidente asturiano, desde Burela ata Navia, cunha poboación superior aos 100.000 habitantes. Ribadeo conta co maior número de prazas hoteleiras da reserva que nos permiten chegar ás 90.000 pernoctacións anuais e durante o verán triplicamos a nosa poboación”.
A proposta remitida á Xunta apunta que Ribadeo é a ubicación que garantizaría en maior medida a difusión dos valores da Reserva, puidendo afirmarse que a sede en Ribadeo ademáis de maximizar a divulgación dos seus valores naturais e culturais, podería ser unha excelente ferramenta de promoción turística para os 14 concellos que a compoñen. O alcalde suliña que “Ribadeo supón a mellor opción económica para a creación desta infraestructura, xa que ofrece a Casa da Ría, unha instalación recentemente remozada e construida cunha finalidade idéntica á da futura sede da Reserva, que é albergar un centro de interpretación e dar cabida a actividades de divulgación mediante unha sala de proxeccións”.
Fernando Suárez considera que “tamén sería de xustiza que esa sede estivese na Casa da Ría por unha cuestión de equilibrio territorial, xa que a sede da Asociación de Concellos da Reserva atópase en Vegadeo, polo que o xusto sería que destoutro lado da ría de Ribadeo contásemos con ésta”.
O informe elaborado polo Concello de Ribadeo incide tamén en que a Casa da Ría se atopa nunha localización privilexiada, sobre un mirador de beleza inigualable que en sí mesmo é un reclamo turístico e considera que para a súa transformación en sede da Reserva da Biosfera non se precisa de ningún tipo de obra mais que incorporar ás súas instalacións os contidos referentes a dita reserva. Tamén destaca que a súa ubicación próxima á A-8 ofrece un acceso rápido e cómodo tanto para os visitantes como para os técnicos que deban desprazarse desde Oviedo e Santiago.
Suárez Barcia agarda que “este asunto forme parte da axenda de asuntos a debatir na vindeira xuntanza interautonómica da comisión de seguimento da Reserva da Biosfera Río Eo, Oscos e Terras de Burón”.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
