Nota de Prensa
O BNG DE CERVO INFORMARÁ EN VARIOS ACTOS DA AFECTACIÓN DO POL NO TERRITORIO MUNICIPAL
O pleno do venres debaterá unha moción nacionalista instando ao goberno local á creación dunha comisión non permanente para o estudo e valoración do documento
Os nacionalistas entenden que os cidadáns deben coñecer polo miúdo os efectos desta normativa sobre a ordenación urbanística do concello
Cervo, 16 de febreiro de 2010. O BNG ten prevista a organización de varios actos informativos para que os veciños e veciñas do concello coñezan polo miúdo os efectos do Plan de Ordenación do Litoral no territorio municipal. Para isto ten prevista a organización de varios actos, o primeiro terá lugar o mércores 17 no Local Social de Lieiro ás 19.00hrs. e o xoves 18 na Casa da Cultura de San Cibrao no mesmo horario, das previsións para outros actos darase coñecemento con posterioridade. O pleno a celebrar o vindeiro venres debaterá unha moción nacionalista na que se insta ao goberno local á creación dunha Comisión non Permanente para o estudo e valoración das directrices de ordenación fixadas polo POL.
O POL afecta en Cervo a unha superficie equivalente a case 600 campos de fútbol por riba da franxa dos 500 metros da costa
A afectación do POL en Cervo inclúe 1.200 ha. de chan, das que 586 están por riba da franxa dos 500 metros da costa, unha superficie equivalente a case 600 campos de fútbol que contarán de acordo con este plan, ao que se deberá adaptar toda a normativa urbanística municipal, con diferentes graos de protección que pasan dende a protección total en primeira liña de costa, ríos ou espazos declarados de interese medioambiental; unha segunda barreira denominada de mellora paisaxística e medio ambiental que agás excepcións, non permite novos desenvolvementos urbanísticos e unha terceira de ordenación que o futuro PXOM determinará os seus usos. En Cervo tanto dentro como fora da franxa dos 500 metros de costa este plan limita a construción.
Actos informativos para que a cidadanía coñeza os efectos do POL en Cervo
O BNG xa ten programados dous actos informativos para dar a coñecer os diferentes graos de protección do POL, tanto no interior como en primeira liña de costa. O primeiro acto terá lugar no Local Social de Lieiro o mércores 17 ás 19.00hrs. e o segundo na Casa Da Cultura de San Cibrao o xoves 18 ás 19.00hrs., aínda que están previsto a organización de outros.
O pleno debaterá o venres unha moción que insta ao goberno local á criación dunha comisión específica para o POL.
O pleno municipal debaterá o venres unha moción nacionalista que insta á creación dunha comisión non permanente para estudo e valoración do POL, xa que o concello deberá emitir suxestións sobre o documento aprobado inicialmente polo Xunta de Galiza o pasado 8 de xaneiro. Os nacionalistas explican nesta moción que se debera dar participación a tódolos axentes que operan no urbanismo, con especial atención á entidades sociais que representan aos veciños e veciñas afectadas directamente por este plan.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
