Nota de Prensa
O BNG NON VAI APOIAR A DESAFECTACIÓN DO RIVERA CASAS POR ENTENDELA PRECIPITADA E SEN ARGUMENTOS SERIOS E FIABLES
Os nacionalistas lembran que hai dous procedementos xudiciais abertos pendentes de resolución polo peche do colexio
O goberno local pode estar buscando amañar o problema dun promotor cun edificio construído que non se axusta á normativa urbanística actual da zona
Cervo, 18 de febreiro de 2010. O BNG non vai apoiar a desafectación do Rivera Casas proposto pola alcaldía para o pleno do venres. Os nacionalistas lembran que existen dous procedementos xudiciais abertos e sen resolución, un ordinario e un contencioso administrativo contra a resolución da Consellaría de Educación de pechar o centro. Para o BNG a iniciativa do alcalde e precipitada e as motivacións non son convincentes, os nacionalistas sospeitan que detrás da postura do alcalde agóchase a intención de solventar o problema dun promotor cun edifico xa executado no entorno que non se axusta á nosmativa urbanística hoxe vixente na zona polo que non se lle pode dar licenza de habitabilidade.
A optimización de recursos non semella estar dentro das prioridades do Partido Popular
Os nacionalistas criticaron a ausencia de criterio do PP con esta proposta que cualificaron de precipitada e fora de lugar xa que as intencións pouco concretadas consisten en recuperar a vella idea de deixar ese espazo libre que lembraron ten unhas dimensións de 4.500 m2 no centro do pobo. Para o portavoz municipal nacionalista, Xoán Estúa, 4.500m2 dan para moito, nese espazo colle unha gardería en condicións que non temos, unha praza de 2.000m2 e ate un centro de día que o PP quere mandar para a periferia. O nacionalista ademais criticou o empecinamento do alcalde en levar primeiro aos escolares e agora á terceira idade á periferia do pobo.
O alcalde está preocupado por solucionar os problemas dun promotor e este e o primeiro paso
O BNG sospeita que detrás da proposta do alcalde está a intención de resolver os problemas dun edificio construído a carón do Rivera Casas cunha licenza concedida durante o tempo no que a modificación das normas subsidiarias promovidas polo concello converteron a parcela do Rivera Casas en zona verde, e que pouco tempo despois foron devoltas a espazo dotacional para usos educativos tal como están agora, polo que nesta situación impídese conceder licenza de habitabilidade ao edifico construído por superar a edificabilidade permitida. Estúa advertiu que de ser realmente esas as intencións do alcalde, debería explicalo con claridade e non mentir á cidadanía.
A precipitación do alcalde esquece que contra o peche do Rivera Casas existen dous procedementos xudiciais aínda abertos.
O BNG cualificou ademais de aventurado e pouco prudente promover unha desafectación sobre uns inmobles que foron centro educativo e sobre o que aínda están pendentes de resolución dous procedementos xudiciais contra o seu peche. Xoán Antón Estúa preguntouse que pasaría si estes procedementos resultasen positivos para o seus promotores, e cualificou dunha absoluta falta de respecto do alcalde non só aos veciños e veciñas promotores destas causas, senón tamén á administración de xustiza.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
