Nota de Prensa
Os populares subliñan que a totalidade das prazas na residencia de Viveiro serán sostidas con fondos públicos
O PP LEMBRA QUE A SOCIEDADE QUE CONSTRÚE E XESTIONA A RESIDENCIA DE VIVEIRO SEMPRE FOI PRIVADA, POIS NO MOMENTO DA SÚA CONSTITUCIÓN O GOBERNO BIPARTITO DEIXOU O 55% DO SEU CAPITAL EN MANS DAS CAIXAS DE AFORRO
* O populares sospeitan que as críticas do BNG son consecuencia do temor a que a inminente apertura da nova residencia deixe en evidencia o nulo traballo da anterior Xunta, que investía moitos recursos en publicidade e propaganda e poucos en acelerar e axilizar a apertura de novas residencias
A Mariña, 3 de xaneiro de 2010.- O Partido Popular da Mariña vén de felicitarse toda vez que as obras da nova residencia de atención ás persoas maiores de Viveiro xa están en proceso de remate e, polo tanto, porque cada vez estea máis próxima a data final para a súa apertura. Os populares subliñan o altamente positivo que será para o conxunto da nosa comarca a creación desta nova infraestrutura de benestar social que centra o seu servizo no coidado e atención ás persoas maiores e dependentes que así o precisen.
No Partido Popular están especialmente satisfeitos polo compromiso adquirido pola Xunta diante da empresa que xestiona a residencia polo que a totalidade das prazas do novo centro serán 100% sostidas con fondos públicos ao igual que o resto das residencias que están en funcionamento (Bande e Chantada) ou que teñen prevista a súa apertura nun futuro próximo (Monforte, Vimianzo e Ourense)
O BNG EN EVIDENCIA
No Partido Popular sospeitan que as críticas que nos últimos días veñen realizando os nacionalistas están motivadas no temor do BNG a que a inminente apertura da residencia deixe en evidencia que o Goberno bipartito apostaba máis pola publicidade e propaganda que por axilizar, acelerar e poñer en servizo novas infraestructuras de benestar social, tal e como fará o novo Goberno galego nas próximas semanas.
UNHA SOCIEDADE PRIVADA DESDE A SÚA CONSTITUCIÓN
A Sociedade Galega de Servizos Sociais (SOGASERSO) desde o momento da súa constitución, o 13 de xullo de 2006, por parte do Goberno bipartito sempre contou coa maioría do capital privado, neste caso, pola participación no 55% do seu accionariado das caixas de aforro galegas. Polo tanto foi o anterior Goberno, do PSOE e do BNG quen, en todo caso, privatizou esta sociedade no momento de constituíla.
Os populares aclaran que a decisión dos actuais responsables da Xunta de Galicia de deixar de formar parte do accionariado da sociedade Sogaserso, non pode definirse de ningún xeito como privatización, tal e como pretenderon facer crer os nacionalistas, e insisten en recordar que, desde o primeiro momento, esta sociedade foi unha empresa privada.
En todo caso o PP considera conveniente explicar que por acordo da Xunta de Galicia e as caixas de aforro, non está permitido que nin agora nin no futuro poida formar parte do seu capital ningún terceiro socio distinto das caixas. A devandita estipulación ten por obxecto garantir que Sogaserso non teña nin hoxe nin no futuro fins lucrativos.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
