LUGO .- O Presidente da Deputación, José Ramón Gómez Besteiro, o ex-xogador de baloncesto galego, Fernando Romay, e o plantel do Leite Río Breogán, fixeron este domingo un treito do Camiño Francés, ó seu paso polo Concello de Monterroso, dentro do programa Km0 a Compostela. Deste xeito, coa presenza de personaxes relevantes como Romay e o equipo de baloncesto da capital, o organismo provincial promociona todos os Camiños que pasan pola provincia e fomenta o turismo a través do deporte e da multiaventura.
O Ano Santo atraerá numerosos visitantes a Galicia durante 2010, polo que a Deputación non quere deixar pasar esta oportunidade para xerar riqueza nos Concellos polos que pasa o Camiño. Gómez Besteiro destacou que “o que perseguimos con esta iniciativa é impulsar a nosa economía e o turismo. Ademais de potenciar os sectores produtivos, temos que ser capaces de explotar outras vías para potenciar esta provincia. Personalidades como as que hoxe nos visitan son un exemplo, xa que contribúen a aumentar a promoción exterior dos máis de 800 quilómetros de rutas Xacobeas que ten Lugo. Fernando Romay e o xogadores do Breogán son persoas xa desta provincia, que aquiren un compromiso con todos nós para levar o nome de Lugo por todo o mundo xa que, se o ano 2011 é importante, tamén temos en conta que hai vida despois do Xacobeo”.
Pola súa banda, Fernando Romay valorou de foma moi positiva a iniciativa do organismo provincial “porque combina el componente espiritual del Camino de Santiago, el deportivo, el ecológico, el anímico ya que durante la peregrinación se hace verdaderos amigos… Este proyecto reúne todo lo necesario para venir a conocer Lugo y para regresar”. Romay destacou ademais o feito de que a Deputación conte co mundo do deporte para promocionar os Camiños da provincia, e en concreto co equipo do Leite Río Breogán “ya que si hablas de Lugo hablas del Breogán, son identificativos”.
Esta é a segunda ruta con personalidades destacadas a nivel nacional que organiza a Deputación dentro de Km0 a Compostela, programa coa que o se converteu na primeira administración cunha programación estable previa ó Xacobeo. A pasada fin de semana, Gómez Besteiro e a prestixiosa alpinista, Chus Lago, fixeron un treito do Camiño de Inverno, en Ribas de Sil. Romay, Chus Lago e o Breogán non serán as únicas personalidades que participen nesta iniciativa. Ó longo dos vindeiros meses sumaranse outras que tamén son relevantes dentro do deporte e da vida social galega e española.
Romay foi internacional coa selección española ata en 174 ocasións, equipo co que conquistou a medalla de prata nos xogos olímpicos dos Ánxeles en 1984. Na actualidade é comentarista de televisión e un dos protagonistas da campaña publicitaria “Esto lo arreglamos entre todos.org”, creada para darlle a volta á situación de desánimo que a crise económica provocou en todos os cidadáns.
Un treito do Camiño por Monterroso
Antes de desprazarse ata o Concello de Monterroso, Gómez Besteiro recibiu no seu despacho ó ex-pívot do Real Madrid, Fernando Romay, e ó plantel do Leite Río Breogán, onde lles fixo entrega dun dos lotes da campaña Lugosabe; iniciativa coa que o organismo provincial promociona os produtos autóctonos da provincia e incentiva a economía luguesa. A continuación, a comitiva, desprazouse en autobús ata o Concello da Ulloa, onde fixeron um treito do Camiño Francés de 1,5 quilómetros. O punto de partida da ruta situouse en Lameiro, parroquia de Ligonde, e incluiu unha visita ó conxunto histórico de Eirexe, no que destaca a igrexa con restos románicos, e unha visita á área recreativa da Peneda. Ademais, no centro sociocultural, Romay e os xogadores breoganistas mantiveron unha xuntanza coas entidades deportivas municipais.
A comitiva formárona, ademais do Presidente da Deputación e de Romay, 19 membros do plantel do equipo da capital: Cristino Menor, conselleiro do CB Breogán e membro do Padroado da Fundación Balogal; Francisco de Andrés, delegado; Rubén Dominguez, adestrador; Lisardo Gómez, segundo adestrador; os xogadores Nacho Ordín, Jordi Vallmajó, Jeff Xavier, Alberto Corbacho, Sergio de la Fuente, Joao Roberto Gomes, Arnette Hallman, Javier Román, Jeff Adrien, Eric Coleman e José María Balmón; ademais da fisioterapeuta, Belén Díaz; o preparador físico, José Manuel Miragaya; e o xefe de prensa do equipo, Marcos Fernández.
Ademais dos protagonistas de hoxe, outros colectivos como a Sociedade Española do Corazón –SEC-, os directores de medios de comunicación de Galicia, os campións nacionais de rallye, Sergio Vallejo e Luis Moya, ou autoridades como o Presidente de Cantabria, Miguel Ángel Revilla, fixeron o Camiño de Santiago en Lugo dentro deste programa. Km0 a Compostela, formado por 25 rutas, é unha das alternativas da segunda etapa de Km0 iniciado o 1 de setembro de 2008. Nesta segunda fase, que rematará en xuño de 2010, chegarase ós 22.000 participantes, e dende que a Deputación puxo en marcha esta iniciativa en 2008, preto de 15.000 persoas participaron en Km0.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
