BURELA (FNC) .- Segundo indicou o alcalde de Burela, Alfredo Llano, o pleno da Mancomunidade de Municipios da Mariña que onte se celebrou no salón de sesións do Concello burelés analizou propostas para o traslado do lixo dos concellos e interesouse polos prazods do corredor Barreiros-Ferrol. Alfredo Llano contou que “estamos a analizar varias propostas para o traslado do lixo dos puntos limpos dos concellos. Ademáis eu fixen unha suxerencias para que se apure a liña de axudas ás zonas afectadas coas chuvias do pasado 23 de xaneiro, tanto desde Medio Ambiente da Xunta como desde Augas de Galicia”. O rexedor suliñou que tamén “acordamos instar á Xunta e ao Goberno estatal para que nos informen dos prazos e dos pasos que se están a dar para a posta en funcionamento do corredor Barreiros-Ferrol”.
ÚLTIMA HORA
- Teatro para todos: Ribadeo, Cervo, Foz e A Pontenova acollen novas funcións de compañías afeccionadas
- Viveiro organiza a primeira xornada de tute e xogos de mesa o 24 de outubro
- O PP cre que os cambios de ideas da alcaldesa sobre a estación de autobuses evidencian que “non ten proxecto serio para Vilalba”
- Cervo impulsa clases de xadrez para a infancia en colaboración co Club San Roque
- Unha proposta de novo circo para público de familiar chega ao Teatro Pastor Díaz de Viveiro este sábado 17 ás 18:00 h: 'Sen Patrón', da compañía Pistacatro, Premio Nacional de Circo 2025
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos. - A conselleira do Mar, Marta Villaverde, mantivo este martes unha reunión co secretario xeral de FeSMC-UXT Galicia, Lalo Romero, e co responsable do sector marítimo-portuario desta organización sindical, Carlos Tubío
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar. - Falece un ciclista en Foz
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa. - 0 programa de promoción de produtos de razas autóctonas 'Un gusto de rural, un rural degusto' da Vicepresidencia da Deputacióm estivo presente no Mercadiño no Outono, organizado este domingo polo Concello de Barreiros
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño. - Dende o martes 13 e ata o venres, 16 de outubro, ambos incluídos, permanecerán cortados ao tráfico varios treitos da estrada provincial LU-P-2601 debido ao inicio dos traballos de aglomerado en quente nesta vía que comunica Xove co Portiño de Morás
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados. - A Deputación abriu o prazo do IX Concurso de Fotografía polo 20 aniversario da Reserva da Biosfera dos Ancares Lucenses, con premios de 800, 500 e 300 euros para imaxes que reflictan a riqueza natural e cultural do territorio
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses. - Mondoñedo celebrará o sábado 17 de outubro unha homenaxe a Xosé Vizoso no Auditorio Municipal Pascual Veiga
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
2021 Crónica 3 A Mariña - Implementado por GaliciaDigital