CERVO .- O Concello de Cervo recepcionou as obras da fase C do polígono de Cuiña que teñen unha superficie bruta de 137.624 metros cadrados, dos que 41.000 son de superficie neta e conta con 22 parcelas.
Nota de Prensa
O CONCELLO DE CERVO RECEPCIONA A FASE C DO POLÍGONO DE CUÍÑA
* Xestur sacou hai unhas semanas novamente a concurso a adquisición de parcelas nesta zona ao quedar deserto a anterior convocatoria realizada en setembro do ano 2008
* As condicións de compra desta nova convocatoria foron sensiblemente modificadas ao comprobarse que as anteriores eran moi ríxidas e polo tanto, pouco atractivas para os interesados en adquirir parcelas neste polígono.
Cervo, 25 de marzo de 2010.- Despois de ter rematado o período dun ano de garantía, o concello de Cervo recepcionou oficialmente hoxe as obras da fase -C- do polígono industrial de Cuiña por parte da empresa Xestur, promotora desta área industrial.
A construción desta fase supuxo un investimento total de 1.148.100 euros. Ten unha superficie bruta de 137.624 metros cadrados, dos que 41.000 son de superficie neta e conta con 22 parcelas.
Así mesmo, cabe lembrar que nesta zona, ademais da urbanización das parcelas e das vias urbanas, xunto coa rede de servizos básicos (luz, auga, rede de sumidoiros, etc…) tamén se levou a cabo a colocación duns colectores que darán servizo para que as augas residuais da nova rede de saneamento de San Ciprián poda chegar ata a futura estación depuradora, que irá ubicada neste polígono.
MÁIS ATRACTIVO
Ao marxe do acto de recepción das obras, o alcalde de Cervo, Alfonso Villares, quixo destacar que a empresa Xestur sacou hai unhas semanas novamente a concurso a adquisición de parcelas desta zona do polígono ao quedar deserto a anterior convocatoria realizada en setembro do ano 2008.
Neste senso Villares salientou que as condicións de compra da presente convocatoria foron sensiblemente modificadas respecto da anterior ao comprobarse que eran “moi ríxidas e polo tanto pouco atractivas” para os interesados en adquirir parcelas neste polígono.
“Deste xeito o que se pretende é flexibilizar na medida do posible as condicións de compra de ditas parcelas, axustándose á conxuntura económica actual e que é a mesma que á de hai un ano cando se fixo o primeiro concurso. Búscase pois, facer así máis atractiva a construción de empresas nesta área industrial” indicou o alcalde.
Villares destacou tamén que, ademais de flexibilizar as condicións de compra, o actual prego atalla tamén problemas coma a posible especulación do solo mediante un dereito de retracto máis limitado, cousa que non no anterior prego de condicións elaborado polo goberno bipartito da Xunta quedaba moi minguado e polo tanto era propicio á especulación de prezos.
O mandatario cervense valorou positivamente esta modificación de condicións de compra nas parcelas do polígono de Cuíña “porque deste xeito pensamos que facilitará o asentamento de máis industrias neste polígono e en definitiva contribuirá a xerar riqueza e traballo entre os nosos veciños, algo fundamental e moi necesario nestes tempos que estamos a vivir” concluíu Villares.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
