Nota de Prensa
BNG CRITICA A RECUPERACIÓN POLO PP DOS ACTOS MEDIATICOS NA ENTREGA DAS CHAVES DAS VIVENDAS SOCIAIS DE RÍA COVO
Durante os últimos catro anos este tipo de actos facíanse a porta pechada en sen prensa para evitar a exposición pública das persoas adxudicatarias
Dende o 2001 levan anunciando estas vivendas que tivo que executar e sortear un goberno nacionalista a parir de 2005
Cervo, 22 de marzo de 2010. O BNG criticou os actos mediaticos montados polos gobernos populares do PP, tanto no concello como no Instituto da Vivenda e Solo, no que se someteu ás persoas adxudicatarias a sesións de fotos coa presenza do Director Xeral do IGUS e o alcalde de Cervo facendo entrega das chaves das vivendas. Os nacionalistas lembran que nos últimos catro anos este tipo de actos facíanse a porta pechada e sen cámaras para resgardar a intimidade das persoas e non como foi este para a súa utilización para o autobombo e a compracencia dun partido Popular que neste caso concreto mais que acelerar a execución e entrega destas vivendas, cando tiveron responsabilidades, dilataron o proceso.
Recuperación do autobombo e a propaganda mediatica na entrega de vivendas sociais en Río Covo
Os nacionalistas cualificaron de “acto de autobombo e propaganda” a entrega das chaves das vivendas sociais de Río Covo, que recupera os actos mediaticos na entrega de vivendas sociais anulados nos últimos anos para evitar a exposición pública dos adxudicatarios. O Portavoz municipal Xoán Antón Estúa, lembrou que ao contrario do sucedido coas vivendas da Lobeira, onde non se convocou prensa, neste caso someteuse ás persoas adxudicatarias á exposición das cámaras sen necesidade.
O PP mentres tivo responsabilidades de goberno dedicouse a facer anuncios e a dilatar o proceso de entrega destas vivendas.
Estúa, manifestou a súa satisfacción de que por fin se faga entrega destas vivendas, aínda que se mostrou moi crítico cos responsables populares que anunciaron a súa execución en 2001 e até o cambio de goberno na Xunta cunha Consellaría nacionalista, non se executaron as obras e se tramitou todo o proceso de selección quedando rematado antes de deixar a responsabilidade de goberno.
Para o nacionalista, “os catro anos cun cartel anunciador en Río Covo sen mais consecuencias, os dous nos que o goberno local tivo paralizado o trámite de selección provisional e o ano de espera dende a adxudicación definitiva en abril de 2009 até agora, non di moito da dilixencia do Partido Popular para tramitar este expediente, o que mellor fan e venderse a si mesmos aínda que teñan pouco que ofrecer”, rematou Estúa.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
