SAN CIBRAO .- O Concello de Cervo instalou na prazoleta de San Cibrao unha estrutura metálica para a celebración de actos lúdicos e culturais que habitualmente se desenvolven ao longo do ano nos distintos núcleos de poboación do termo municipal.
Nota de Prensa
A súa compra é froito do convenio subscrito entre a Consellería de Cultura e o Concello
O CONCELLO PROBA A NOVA ESTRUTURA METÁLICA DESTINADA AO DESENVOLVEMENTO DE ACTIVIDADES CULTURAIS
O custe deste novo material é de 50.000 euros e están financiados ao 100% por Cultura
Cervo, 19 de marzo de 2010.- Dende o día de onte permanece instalada na prazoleta de San Ciprián a nova estrutura metálica adquirida polo Concello de Cervo gracias a un convenio por valor de 50.000 euros subscrito coa Consellería de Cultura co obxecto de financiar a compra deste material, o cal virá a complementar a infraestrutura que posúe o Concello para a celebración de actos lúdicos e culturais que habitualmente se desenvolven ao longo do ano nos distintos núcleos de poboación do termo municipal.
Segundo indicou o alcalde de Cervo, Alfonso Villares, o obxecto desta instalación por parte do equipo da brigada de obras municipal é o de probar a montaxe desta estrutura e tamén comprobar que todas as pezas e partes do aparello estiveran en boas condicións.
A nova estrutura ten 15 metros de longo, 10 de fondo e 6,5 de altura. Está elaborada en aluminio, dispón de catro columnas que sustentan todo o andamiaxe e polas cales discorre un sistema de elevación con torno manual mediante cable de aceiro que facilita en gran medida as labores de montaxe e desmontaxe.
Neste senso o alcalde destacou que os propios operarios municipais estaban “moi satisfeitos” ao comprobar a facilidade de montaxe e desmontaxe da estrutura, “o que virá a gañar en operatividade para os traballadores do concello, ademais -claro está- terá os conseguintes beneficios para os organizadores de actividades, que poderán celebrar os seus espectáculos con máis comodidade e seguridade” indicou.
Segundo Villares, a adquisición deste novo material municipal veu motivada pola necesidade de poder dispor dunha estrutura que permitira protexer da choiva as distintas actividades que tanto o Concello coma as asociacións do termo municipal desenvolven regularmente.
“Vimos necesario este investimento despois de escoitar aos colectivos xuvenís e culturais que programan regularmente actuacións, concertos e obras de teatro ao aire libre no municipio. Por iso, eu mesmo me puxen en contacto coa Consellería de Cultura para materializar este convenio polo cal podemos agora dispoñer deste novo material. Deste xeito pretendemos contribuír a mellorar as condicións escénicas das súas actividades e tamén dos actos programadas polo Concello; así como de calquera outro colectivo que precise deste material para desenvolver algunha actividade dentro do termo municipal” indicou.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
