CERVO .- Os integrantes do Grupo de Goberno local do Concello de Cervo aseguraron hoxe que os núcleos do Guioncho, Gondrás e A Venta non están afectados polo borrador do Plan de Ordenación do Litoral (POL). Os responsables municipais desmenten así as afirmacións do voceiro do BNG na corporación, Xoán Estúa, nas que aseguraba que estes núcleos estaban considerados no POL como novas agrupacións.
“É algo moi sinxelo de entender: Nin A Venta, nin Gondrás nin O Guioncho están incluídos no POL. Gustaríanos saber se o voceiro do BNG se basea nos seus coñecementos en materia urbanística para facer esas afirmacións ou si está asesorado por algún iluminado, pero o certo é que ultimamente as súas declaracións públicas sobre temas urbanísticos son máis propias dun axitador de masas que dun representante político serio e rigoroso” aseguraron dende as filas do Goberno municipal.
Os representantes locais quixeron así tranquilizar á cidadanía destes núcleos e amosaron a súa preocupación pola posibilidade de que os actos públicos convocados polos nacionalistas para falar do POL “non sirvan máis que para desinformar, alarmar e confundir á xente co único obxectivo de rendibilizar esa política do medo que habitualmente practican e que tan afeitos están a facer”.
“Non sabemos o que teñen pensado dicirlles nestas xuntanzas aos veciños, nin se o que lles van a dicir o fan de xeito involuntario ou deliberado. O que si temos claro é que sería unha irresponsabilidade pola súa parte si a súa mensaxe é a mesma que a dada nos medios de comunicación, xa que ningún destes núcleos de poboación figura no Plan de Ordenación do Litoral. Así o confirmaron os técnicos do servizo municipal de Urbanismo. Por iso, non acabamos de chegar a comprender si estes ” recalcan.
Os integrantes do grupo de Goberno local lembráronlle ao representante do BNG en Cervo que o contido actual do POL “non é máis” que un primeiro borrador que está en fase de suxestións dos Concellos. “Aínda falta que se redacte o plan inicial, o cal tamén terá o seu correspondente prazo de alegacións e polo tanto aínda é susceptible de moitas modificacións. Isto debería sabelo o representante do BNG, pero en vista das súas declaracións nunca está de máis que llo recordemos, máis que nada para que non ande alarmando á xente sen necesidade” ironizaron.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
