NOTA DE PRENSA
O deputado popular pide que se deixe traballar a xustiza, a cal desde o PPdeG sempre respectarán, e que o voceiro nacionalista non cometa o erro de dictar sentencia antes de tempo, pois nin é xuíz nin aborda obxectivamente os feitos
BALSEIRO DI QUE O ÚNICO QUE TERÁ QUE DAR EXPLICACIÓNS ANTE OS VECIÑOS É ANTÓN VEIGA E OS CONCELLEIROS DO BLOQUE EN BARREIROS
* Lembra que o BNG remitiu unha carta á Xunta bipartita reclamando a paralización do urbanismo neste concello e dando inicio ao conflicto que na actualidade se está a producir.
* Pídelle que deixe traballar á xustiza e non faga xuízos paralelos e trae a colación o caso de Viveiro onde as querelas presentadas pola fiscalía contra o Grupo de Goberno do PP finalmente decaeron.
Santiago, 17 de marzo de 2010.- O deputado popular Jose Manuel Balseiro di que o único que terá que dar explicacións ante os veciños é o Antón Veiga e os concelleiros do Bloque Nacionalista Galego en Barreiros. Lembra que precisamente esta formación política remitiu unha carta á anterior Xunta bipartita na que reclamaban a paralización do urbanismo neste concello, dando inicio ao conflicto que na actualidade se está a producir. O deputado do PPdeG pide que se deixe traballar á xustiza –á que os populares sempre respectarán- e insiste en que o voceiro nacionalista non debe cometer o erro de dictar sentencia antes de tempo, pois nin é xuíz, nin ten unha opinión obxectiva en relación con esta asunto, salvo a de facer crítica política e xerar xuízos paralelos.
O deputado Balseiro cre que Antón Veiga non é a persoa máis idónea para pedir explicacións a ninguén, pois precisamente quen mellor o coñece, os propios veciños do concello, veñen retirando o apoio ao BNG, formación que el lidera, e que baixou no número de concelleiros nas últimas eleccións municipais.
Balseiro insiste en que hai que respectar en todo momento o funcionamento do sistema xudicial e darlle tempo para que esclareza esta cuestión e realice os pronunciamentos que correspondan en función dos feitos. Lembra ademais que os xuizos paralelos moitas veces non coinciden co resultado final das investigacións xudiciais, como aconteceu en Viveiro onde decaeron todas as querelas presentadas pola fiscalía contra o anterior Grupo de Goberno do Partido Popular.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
