Nota de Prensa
O BNG denuncia que o recorte en política social da xunta vai repercutir no reparto desigual do traballo.
Nacionalistas e feministas coinciden en afirmar que a crise está a golpear con particular virulencia as mulleres.
O Bloque Nacionalista Galego e o Observatorio pola Igualdade da Mariña mantén na xornada de hoxe unha xuntanza na que se analiza a problemática de xénero na Comarca e de xeito moi particular como está afectar a crise ás mulleres. Nacionalistas e feministas coinciden en observar con preocupación que a crise se está a cebar particularmente cos colectivos que xa se atopaban máis precarizados laboralmente, situación que se dá no caso das mulleres, pola súa forte exposición no mercado de traballo ao sector servizos. Neste sentido conclúen que non é casual que nestes dous últimos anos está a afondarse a brecha da desigualdade salarial entre homes e mulleres así como o feito de que a destrucción de emprego sexa maior entre as últimas.
Iniciativa parlamentar para un Plano de emprego específico para as mulleres que garanta a igualdade no salario
Os nacionalistas fanlle chegar ao Observatorio as súas propostas en materia de emprego, enmarcadas na campaña que desenvolven de cara ao Día Internacional da Muller Traballadora, data que segundo os portavoces do BNG cobra máis importancia polo actual contexto económico. Tanto é así que os nacionalistas trasladan ao Observatorio a proposta que neste mes van levar ao Parlamento onde demandan un Plano de Emprego para as mulleres que garanta a igualdade real de salario, que recolla medidas específicas para atallar a discriminación no agro e no marisqueo e que implique o impulso de medidas activas de emprego.
A política privatizadora e esmagadora do PP en materia social prexudica a conciliación da vida familiar e laboral con especial incidencia nas mulleres polos roles adquiridos
O BNG e o Colectivo feminista mariñao comparten a súa preocupación polo que significa o recorte da Xunta en materia de políticas sociais, nomeadamente no campo dos servicios sociais, coa privatización de galescolas e centros de día e coa paralización da construcción e dotación deste tipo de infraestructuras. Na visión dos nacionalistas todas estas medidas van significar que as mulleres teñan que asumir traballos que nos roles tradicionais se lle viñan asignando, até o punto de que signifique duplicar a súa xornada laboral, e tamén o abandono do traballo por parte das mesmas. En definitiva servizos básicos para o benestar da poboación, mais que son tamén un instrumento para a igualdade, pois sabemos como incide o desigual reparto destas tarefas.
Os nacionalistas criticaron propostas incluídas no marco da reforma das pensións, nomeadamente as de viuvez.
Os nacionalistas consideran que a presenza do PP no Goberno da Xunta nun contexto como este representa un auténtico perigo para as mulleres, posto que é unha garantía de que a xestión da mesma se vai xestionar con receitas neoliberais, medidas estas que están na cerne da actual crise, e que o único que fan e agravala na medida que lla transfiren aos sectores sociais máis desfavorecidos. Asemade denunciaron o intento do PSOE, que no marco da reforma das pensións, pretenden modificar a actual regulamentación da pensión da viuvez, reducindo a súa contía e a súa cobertura. Consideramos escandalosas as declaración da Ministra de Economía que chegou a plantexar a supresión das mesmas, o que deixaría a moitas mulleres sen ningún tipo de cobertura social.
Converter o 8 de marzo nun ritual e contradicir o seu espírito reivindicativo orixinal
Xa por últimos desde o BNG animaron ao conxunto da poboación da Mariña a participar dos actos programados para o 8 de Marzo, se ben, denunciaron o intento de converter esta data nun ritual, pretendendo limitar o seu caracter reivindicativo. Agardamos que neste centenario do 8 de Marzo, sexa motivo, para darlle azos á loita pola igualdade real entre homes e mulleres, unha loita na que se ten que comprometer o conxunto da sociedade, posto que non hai sociedades libres e iguais se algún dos sectores socias que a conforman non son libres ou iguais.
Coincidindo co aniversario do nacemento de Rosalía e da morte de Cunqueiro, o restaurante ribadense ofrece unha versión do Caldo de Gloria e dous pratos inspirados na obra gastronómica do mindoniense —empanada e ostras en escabeche— como forma de achegar a literatura galega á mesa.
O Concello de Navia presenta este sábado 28 de febreiro, ás 12:00 h no Casino, o libro Tras las huellas de Campoamor en Alicante, de Luján Martínez Suárez. Ademais, adquiriu un valioso volume da RAE de 1865, que inclúe un discurso seu orixinal. O exemplar incorporarase á Biblioteca Municipal, ampliando o fondo dedicado ao poeta.
O Dúo Eclipse será o encargado de poñer a música nunha nova tarde-noite chea de ritmo, baile e bo ambiente no Guateque de Arruguiñas. A cita é este sábado, 28 de febreiro na Casa do Mar de San Cibrao ás 19:30 h. Ademais, o alumnado de 2º de Bacharelato, en colaboración coa Oficina de Voluntariado Xuvenil, ofrecerá bingo e chocolate para completar a festa. O evento conta tamén coa colaboración da Asociación de Xubilados Terramar.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
