LUGO .- A delegada territorial da Xunta en Lugo, Raquel Arias, presidiu hoxe a firma dos convenios para a dotación de albergues provisionais en tres concellos da provincia de Lugo, e que permitirán acondicionar varias instalacións e habilitar 88 prazas novas de aloxamento para peregrinos. A S.A. de Xestión do Plan Xacobeo destinou máis de 96.156 euros a estes convenios que afectan aos municipios de Abadín, Barreiros e Ribadeo, tres dos concellos polos que discorre o Camiño do Norte. Asemade, proximamente asinarase un acordo coa Confraternity of Saint James para o albergue de Miraz en Friol. Estas partidas súmanse aos convenios asinados nas últimas semanas cos municipios da Mancomunidade de Concellos do Camiño Francés.
En total, a S.A. de Xestión do Plan Xacobeo investirá 556.685 euros na posta en marcha de albergues temporais na provincia de Lugo, na que se habilitarán 2.016 prazas novas para peregrinos, das que 1.820 son colchonetas e 196, camas.
Á firma, que presidiu a delegada territorial da Xunta en Lugo, Raquel Arias, asistiron o director xerente da S.A. de Xestión do Plan Xacobeo, Ignacio Santos, os alcaldes de Abadín, José María López Rancaño, de Ribadeo, Fernando Suárez Barcia, e Alicia Rodríguez Díaz, concelleira do Concello de Barreiros. Dentro desta ruta do Camiño de Santiago tamén se firmará un convenio co concello de Friol, que contará con 100.000 euros para a ampliación e reforma do albergue no que se habilitarán 18 novas camas.
En virtude dos acordos asinados hoxe en Lugo, a S.A. de Xestión do Plan Xacobeo destinará un total de 44.410, 86 euros ao concello de Abadín. Desta cantidade total, 14.500 euros estarán destinados á dotación de mobiliario para o albergue do Pavillón de Gontán, no que se habilitarán 40 novas camas, mentres que os 29.910 euros restantes investiranse na mellora do pavillón municipal de Abadín.
O concello de Ribadeo, pola súa banda, contará cunha partida total que supera os 28.199 euros, dos que 12.325 estarán destinados á habilitar 34 novas camas no albergue temporal. Pola súa banda, os 15.874 euros restantes incluídos no convenio asinado hoxe están consignados ao acondicionamento da escola de Vilela para acoller a peregrinos. Por último, o municipio de Barreiros disporá de 23.546 euros para o acondicionamento do refuxio de Gondán para acollemento de peregrinos, no que se habilitarán 14 novas camas.
No acto celebrado en Lugo, o director xerente da S.A. de Xestión do Plan Xacobeo, Ignacio Santos, destacou que os acordos asinados son “froito de intenso traballo de colaboración” entre Xacobeo, municipios e diferentes institucións. Asemade, recalcou que o obxectivo destes convenios é “ofrecer aos peregrinos un aloxamento garantido nos momentos de maior concorrencia de camiñantes nas rutas xacobeas”.
Investimento na comunidade
No último mes asináronse os convenios con concellos da provincia de A Coruña (Abegondo, Boimorto, Fisterra e Pontedeume), así como cos municipios coruñeses e lucenses da Mancomunidade de Concellos do Camiño Francés (Arzúa, Melide, O Pino, Monterroso, Pedrafita de O Cebreiro, Palas de Rei, Paradela, Portomarín, Samos, Sarria e Triacastela). Asemade, firmáronse os acordos que afectan a sete municipios da provincia de Pontevedra (A Guarda, Caldas de Reis, Pontevedra, Portas, Redondela, Silleda e Tui) e de Ourense (A Gudiña, A Mezquita, Castrelo do Val, Riós, Vilar de Barrio, Xunqueira de Ambía e Xinzo de Limia).
En total, cos convenios que se asinarán en próximas datas alcanzarase a cifra de 1,4 millóns de euros e máis de 4.000 prazas que a S.A. de Xestión do Plan Xacobeo destina á rede de albergues temporais na comunidade galega.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
