LUGO .- A xunta de goberno da Deputación aprobou o convenio polo que 57 concellos xestionarán a roza das estrada o que lles permite aforrar cartos. Os 57 municipios suman 3.498 quilómetros de vías provinciais, o que supón un investimento para a Deputación de preto de 620.000 euros.
Nota de Prensa
57 Concellos xestionarán a roza das estradas co sistema da Deputación que garantiza a eficacia deste servizo
– A Xunta de Goberno aprobou o convenio que lles permite aforrar cartos ós municipios e que foi instaurado polo actual equipo de goberno
– O sistema está a dar moi bos resultados, xa que este ano sumarónse 36 Concellos máis que en 2008
– Os 57 municipios suman 3.498 quilómetros de vías provinciais, o que supón un investimento para a Deputación de preto de 620.000 euros
– Gómez Besteiro manifesta nunha carta enviada a Raquel Arias a vontade decidida para iniciar a cesión do Hotel Miño á Xunta co obxectivo de que albergue un centro formativo en hostalería e dar resposta á demanda do sector
A Xunta de Goberno aprobou este venres, fóra da orde do día e pola vía de urxencia o convenio que a Deputación subscribirá cun total de 57 Concellos e que lles permite xestionar directamente a roza das estradas provinciais, permitindo que o servizo sexa máis rápido e eficaz. Este foi un sistema que instaurou o actual equipo de goberno e unha liña máis de cooperación coas entidades locais da provincia que está a dar moi bo resultado. En 2008 foron 21 os municipios que se sumaron á iniciativa, en 2009 47 e, e este ano, preto de 60. O voceiro provincial socialista, Antonio Gato Soengas, subliñou que “isto pon de relevo a relación fructífera que existe entre a Deputación e os Concellos e que tivo unha acollida extraordinaria porque é máis efectiva, xa que os municipios poden concertar os traballos, se o precisan, con empresas locais. Ó responsabilizarse desta tarefa, estamos convencidos de que a eficacia vai ser superior. Os resultados das dúas anualidades anteriores así o veñen a demostrar”.
Esta iniciativa súmase a outras que puxo en marcha o actual equipo de goberno e permiten aforrar cartos ás entidades locais. É o caso do sistema provincial de recadación, a través do cal a Deputación adianta máis de 16 millóns de euros ó ano ós 50 Concellos que xa asinaron o acordo, e que coa rebaixa do 6% ó 3% lles aforra máis de 500.000 euros anuais.
En total, os 57 Concellos nos que se aplica o convenio suman 3.498 quilómetros de vías provinciais, dos 4.200 que ten a Deputación. Isto supón o 83% de vías que están ubicadas neste municipio e o investimento que realiza a Deputación ascende a preto de 620.000 euros. “Esta iniciativa como outras que temos están encamiñadas a buscar solucións. Con este convenio que aprobamos hoxe estamos aforrando cartos ós Concellos a axudándolles a que presten un servizo máis eficaz ós seus veciños. Mentres o PP e Feijóo crea problemas, na Deputación poñemos solucións”.
Os municipios que se sumaron á iniciativa son: Abadín, Alfoz, Antas de Ulla, Baleira, Baralla, Barreiros, Becerreá, Begonte, Bóveda, Burela, Castro de Rei, Castroverde, Folgoso do Courel, Cervantes, Cospeito, Chantada, A Fonsagrada, Foz, Xermade, Guitiriz, Guntín, Xove, Láncara, Lourenzá, Meira, Mondoñedo, Monforte de Lemos, Monterroso, Navia de Suarna, Negueira de Muñiz, As Nogais, Ourol, Palas de Rei, Pantón, Paradela, O Páramo, A Pastoriza, Pedrafita do Cebreiro, Pol, Pobra de Brollón, A Pontenova, Portomarín, Quiroga, Rábade, Ribadeo, Ribas de Sil, Riotorto, Samos, Sarria, O Saviñao, Taboada, Trabada, Triacastela, O Valadouro, O Vicedo, Vilalba e Viveiro.
Nos outros 10 municipios (Carballedo, O Incio, Friol, Outeiro de Rei, O Corgo, Sober, Ribeira de Piquín, Muras, Cervo e Lugo –este último non se sumou por problemas técnicos-), o organismo provincial contratará directamente os traballos, como se viña facendo ata que chegou o actual equipo de goberno da Deputación.
Outros acordos da Xunta de Goberno
Aprobouse unha nova actuación do canon do Concello de Ribas de Sil. Trátase da construción do edificio para ampliación da Casa do Concello por valor de 237.963 euros. O investimento que realizará a Deputación neste municipio é de 461.189 euros, dos que 307.459 corresponden ás dúas primeiras anualidades, é dicir, a 2008 e 2009. Ademais desta actuación, dentro do canon hidroeléctrico dotarase a este municipio de maquinaria para realizar obras de carácter municipal.
Cesión do Hotel Miño á Xunta e Padroado TOR
Antonio Gato anunciou que o Presidente, José Ramón Gómez Besteiro, atendendo á demanda da Asociación Provincial de Hostalería vén de enviar unha carta á Delegada Territorial da Xunta, Raquel Arias, na que lle comunica que a Deputación, tal e como manifestou o titular provincial no Pleno de marzo, está disposta a levar a cabo as negociacións pertinentes para ceder o Hotel Miño á administración autonómica, co obxectivo de que a Xunta, que é a que ten competencias na materia, cree un Centro de Formación e Cultura da Hostalería nas instalacións da Deputación.
Asimesmo, lembrou que a semana pasada, o 31 de marzo, Gómez Besteiro transmitiulle por escrito, unha vez máis, ó Conselleiro de Medio Rural a necesidade de que este fixara a data para a reunión do Padroado e poder materializar a extinción da Fundación TOR. O titular provincial xa lle mandara outra carta o 9 de marzo no que se adxuntaba o acordo plenario para a extinción da Fundación Centro Superior Cinexético e Piscícola de Galicia, aprobado por unanimidade en febreiro.
“Na Deputación aínda estamos á espera de recibir unha contestación. Esta provincia non conta para o goberno autonómico. Dende o principio quixemos darlle unha solución a esta Fundación e Xunta só fai poñer obstáculos. É totalmente necesario que o Padroado se reúna para que a Fundación se disolva e a Deputación poida levar a cabo os proxectos que ten previstos para o Centro de TOR”.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
