SANTIAGO .- Unha trintena de localidades entre as que se atopan Burela, Foz, Monforte, Sarria e Viveiro na provincia de Lugo están afectadas pola decisión adoptada pola Concellería de Economía en Industria de desbloquear o desenvolvemento da rede secundaria de gas natural. A primaria que corresponde ao goberno do Estado non adxudicou o gasoduto da Mariña.
Nota de Prensa
ECONOMÍA E INDUSTRIA DESBLOQUEA O DESENVOLVEMENTO DAS REDES DE DISTRIBUCIÓN DE GAS PARA BENEFICIAR O TECIDO EMPRESARIAL E OS CIDADÁNS DE GALICIA
?? O Consello da Xunta dá o seu visto e prace ao decreto elaborado pola consellería que dirixe Javier Guerra e que regula o trámite de competencia e os criterios de valoración no suposto de concorrencia de dúas ou máis solicitudes de autorización administrativa de instalacións de transporte secundario e distribución de gas natural e redes de distribución de GLP
?? O Decreto, o primeiro das súas características que se desenvolve en España, permitirá superar a parálise anterior herdada, e recuperar o desenvolvemento das redes de distribución gasistas no noso territorio, co conseguinte beneficio para o tecido empresarial e os cidadáns de Galicia
?? Este Decreto coincide co obxectivo da Xunta, que non é outro que dentro do marco da planificación enerxética, traballar para a creación dunha infraestrutura de transporte e distribución de gas que actúe como factor de competitividade para o noso tecido empresarial e outorgue calidade de vida para a cidadanía galega
O Consello da Xunta deu hoxe o visto e prace ao Decreto elaborado pola Consellería de Economía e Industria polo que se regula o trámite de competencia e os criterios de valoración no suposto de concorrencia de dúas ou máis solicitudes de autorización administrativa de instalacións de transporte secundario e distribución de gas natural e redes de distribución de GLP.
Este Decreto, o primeiro das súas características que se desenvolve en España, sitúa a Galicia á vangarda, permitirá superar a parálise anterior herdada e recuperar o desenvolvemento das redes de distribución gasistas no noso territorio, co conseguinte beneficio para o tecido empresarial e os cidadáns de Galicia.
Deste xeito, o Goberno da Xunta senta as bases para resolver, dunha vez por todas, un problema derivado do desenvolvemento na distribución de GLP e gas natural, que trouxo consigo a aparición de novas empresas distribuidoras interesadas na gasificación de certas zonas do noso territorio, o que fai preciso regular a forma de resolución no suposto de concorrencia de varias solicitudes de autorización administrativa para as mesmas instalacións.
O decreto que autoriza o Consello da Xunta desenvolve o real decreto que regula as actividades de transporte, distribución, comercialización, subministración e procedementos de autorización de instalacións de gas natural e GLP, porque establece unha forma de resolución no suposto de concorrencia de dúas ou máis solicitudes de autorización.
Con base nesta situación, o decreto elaborado pola Consellería de Economía e Industria regula o trámite de competencia e os criterios de valoración que se van ter en conta no suposto de concorrencia de solicitudes de autorización administrativa de instalacións de transporte secundario e distribución de gas natural e redes de distribución de GLP.
Estes criterios contan co beneplácito do Consello Consultivo de Galicia, e fan referencia aos gasodutos de transporte secundario e os ramais de distribución de gas natural, as redes de distribución de gas natural e as redes de distribución para GLP.
En canto aos criterios de valoración para gasodutos de transporte secundario e ramais de distribución de gas natural, que son os que conectan coas redes de distribución nos núcleos de poboación, destacan os de ser titular de autorizacións administrativas, precisamente, de redes de distribución ás que se vaian conectar, a idoneidade do trazado, as características técnicas do proxecto, o prazo d e execución e o orzamento.
No canto das redes de distribución de gas natural, que son as que están nos núcleos de poboación, valorarase ser titular de autorizacións administrativas de redes de distribución en vilas próximas, o prazo de inicio da subministración, a extensión da rede, o orzamento, e a solución técnica adoptada, entre outros.
Pola súa banda, os criterios de valoración para redes de distribución de GLP, que deberán deseñarse e construírse de xeito que resulten compatibles para a distribución de gas natural, valorarán ser titular de autorizacións administrativas de redes de distribución de GLP en núcleos de poboación próximos, o prazo de inicio da subministración, a extensión da rede, o orzamento, e a solución técnica adoptada.
Este Decreto coincide co obxectivo da Xunta, que non é outro que dentro do marco da planificación enerxética, traballar para a creación dunha infraestrutura de transporte e distribución de gas que actúe como factor de competitividade para o noso tecido empresarial e outorgue calidade de vida para a cidadanía galega. Para acadar este obxectivo, a Consellería de Economía e Industria asume que cómpre garantir a subministración de gas canalizado ao maior número posible de núcleos de poboación de Galicia.
A alcaldesa, Dolores García Caramés, visitouna no seu domicilio para felicitala e entregarlle un ramo de flores en nome de toda a veciñanza. Nada en Sargadelos e veciña de Cervo, foi a máis nova de dez irmáns e desde moi nova traballou no campo e coidou dos animais, sempre cun gran espírito de esforzo. Nai, avoa e bisavoa, a súa familia destaca a súa alegría, enerxía e bo humor. Moi activa ao longo da súa vida, gozaba de viaxar, da praia, de conducir e de participar nas actividades municipais, ademais de cultivar a súa paixón por cantar. Coqueta, sorrinte e cun espírito novo, Benedicta é hoxe un exemplo de vitalidade para todo o municipio.
O Pazo de San Marcos acolleu a conferencia final, de Manuel Andrade Baliño, e a entrega de premios ás alumnas e alumnos que obtiveron mellores valoracións nas probas que realizaron, o xoves, individuais, na Facultade de Formación do Profesorado de Lugo, e o venres, por equipos, en Mondoñedo. A final do certame, cunha axenda complentaria que achegou ás rapazas e rapaces ao patrimonio e á cultura, celebrouse por primeira vez en Lugo da man da Asociación Galega de Profesorado de Matemáticas (Agapema) e coa colaboración da área de Cultura da Vicepresidencia da Deputación.
Por este motivo, o Concello recomenda ás persoas, colectivos e entidades que precisen facer uso dalgunha instalación municipal ou solicitar material que presenten as súas peticións coa antelación necesaria. A medida permitirá organizar adecuadamente a atención das solicitudes e a planificación dos recursos municipais.
Dentro desta programación, o martes 30 de xuño ás 11:00 celebrarase na Casa da Cultura unha charla divulgativa impartida pola astrofísica Lucía González Cuesta, aberta a toda a veciñanza. A iniciativa enmárcase no programa provincial que busca ofrecer información rigorosa e garantir unha observación segura. Durante a xornada repartiranse folletos e gafas homologadas. A alcaldesa, Marta Rouco, destaca o carácter histórico do eclipse e anima a participar para vivilo con seguridade. O Concello lembra que só deben empregarse gafas específicas para mirar ao sol e continuará colaborando en actividades divulgativas e sociais arredor deste acontecemento único.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
A convocatoria foi realizada polo Concello para amosar a solidariedade de Ribadeo con esta catástrofe natural.
Renova o seu compromiso co club despois de facerse cargo do equipo a mediados da campaña pasada. O técnico pontenovés afrontará este novo ciclo con traballo, compromiso e ilusión para seguir liderando a nave celeste.
