CERVO .- Continúa o goberno municipal de Cervo dando expliacións sobre o deterioro da traida de concensado dende Alcoa a piscina municipal. Nesta ocasión sale o paso das declaracións feitas polo grupo socialista nesta corporación nas que acusaba ao alcalde, Alfonso Villares, de faltar á verdade en relación aos motivos que xeraron a rotura da tubaxe de condensados que subministra calor á piscina municipal.
Nota de Prensa
OS SOCIALISTAS CERVENSES SON UNS IGNORANTES Á HORA DE INTERPRETAR FOTOS
Cervo, 24 de abril de 2010.- O grupo municipal de Goberno do Concello de Cervo quere saír ao paso das declaracións feitas polo grupo socialista nesta corporación nas que acusaba ao alcalde, Alfonso Villares, de faltar á verdade en relación aos motivos que xeraron a rotura da tubaxe de condensados que subministra calor á piscina municipal.
O escrito difundido polos socialistas denota, por unha banda, a repentina afección dalgún dos seus membros pola fotografía, e por outra, deixa en evidencia a total ignorancia dos membros desta formación política á hora de interpretar o que esas fotos reflicten.
Cumpre lembrar que as declaracións do alcalde dicindo que o tubo de condensado estaba enterrado en terra foron feitas despois de escoitar as explicacións dos técnicos encargados de avaliar os danos da rotura. Neste senso non temos máis que reiterar e ampliar os argumentos xa coñecidos: a rotura do tubo de condensado debeuse ás deficiencias de construción da canalización que subministra vapor á piscina dende Alcoa.
Existía un tubo de cemento cubrindo a rede danada que transporta o vapor tal e como din os socialistas? Si, aí estaba, aínda que era como si non o houbera. A tubaxe de vapor debería estar en suspensión dentro do tubo de fibrocemeto, pero en lugar diso estaba pousada dentro do tubo. A isto hai que engadirlle que as distintas seccións do tubo de fibrocemento non estaban selladas entre si e por elas estívose filtrando durante 13 anos terra e auga procedente da chuvia e tamén dun sumidoiro da rede municipal polo que pasaba o trazado orixinario desta tubaxe.
As consecuencias de toda esta chapuza son as xa coñecidas: a degradación e corrosión prematura da tubaxe de vapor do condensado debeuse a unha pésima construción que tivo como resultado que a que canle do subministro de vapor estivera pousada na terra, digan o que digan os socialistas..
Afortunadamente isto xa está solventado e agora a canle de vapor do condensado sí transcorre en suspensión dentro dun tubo de microcemento selado hermeticamente para que non entre nel terra ou humidade.
Por último, queremos lembrarlle aos integrantes do Partido Socialista que a diferencia deles, no grupo de Goberno local somos máis comedidos e prudentes á hora de facer xuízos de valor de xeito tan categórico so con ver unha imaxe. Sabemos tamén que as veces hai xente que se enche de ousadía a consecuencia da súa ignorancia. Afortunadamente non é o nosos caso, aínda que vendo as últimas declaracións dos socialistas non poderíamos a asegurar o mesmo deles.
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O lume iniciouse ás 14.51 horas do luns e para a súa extinción mobilizáronse, polo de agora, 2 técnicos, 10 axentes, 15 brigadas, 16 motobombas, 1 pa, 5 helicópteros e 7 avións. 
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
