CERVO .- O Concello de Cervo ten prevista a organización de varios actos informativos para que os veciños do municipio coñezan de primeira man o contido do Plan de Ordenación do Litoral no término municipal.
Para isto ten prevista a organización de varios actos, os dous primeiros terán lugar o luns, 19 de abril, nas antigas escolas unitarias da parroquia de Gondrás (19.30 h.) e na Casa da Cultura de San Ciprián (20.30 h.); mentres que o martes, día 20 manterán xuntanzas no local social de Lieiro (19.30 h.) e na Casa Consistorial (20.30 h.).
Nestas catro citas os membros do equipo de Goberno local e técnicos municipais estarán a disposición de tódolos veciños que queiran asistir para coñecer polo miúdo en que medida afectará o Plan do Litoral nas distintas parroquias e zonas do municipio. “O que pretendemos é ofrecer unha información veraz para tentar clarexar dunha vez por todas tódalas dúbidas sementadas de xeito malintencionado entre a poboación nestes meses atrás polos integrantes do BNG” indicaron desde as filas do grupo de Goberno.
Os responsables locais afirmaron que dende a publicación do borrador do Plan do Litoral o voceiro nacionalista local, Xoán Antón Estúa, estivo facendo gala entre os cidadáns do municipio da súa “incapacidade” para saber interpretar os planos, “ou o que é aínda peor, pretendeu confundir e desinformar aos veciños coas súas críticas erradas sobre o POL” aseguraron.
Por debaixo dos 500 metros
Os integrantes do Goberno cervense reiteraron que o POL non afecta a ningún espazo catalogado como solo urbano ou núcleo rural –onde se concentra a maioría das edificacións do concello- e tampouco ao polígono de Cuiña “por estar urbanizado e desenvolvido”. Ademais, indicaron que a afectación do POL está por debaixo dos 500 metros en todo o termo municipal menos nun pequeno punto, a franxa do contorno de Alcoa, área de mellora medioambiental onde está previsto clasificar como solo urbanizable industrial ou terciario.
Así mesmo aclararon que o actual borrador do POL non deixaría fora de ordenación ningunha edificación de uso residencial que non estivera antes nesta situación, “polo que de novo o voceiro local do BNG mentiu cando cifrou as vivendas afectadas en máis de 200”. Tamén explicaron que é falso o afirmado polo edil nacionalista, pois “nin Gondrás, nin os núcleos de Cuiña, Fontao, Casa Novas, Espiñeirido, Riocobo, Guioncho, A Venta, O Castelo, Figueirido e Daián están afectados polo POL en absoluto” aseguraron.
“Por todas estas terxiversacións malintencionadas ou debido á falta de coñecementos na materia do único concelleiro nacionalista na corporación é polo que queremos manter estas xuntanzas e clarexar dunha vez por todas e de xeito rigoroso en que consistirá o Plan de Ordenación do Litoral” insistiron dende as filas con responsabilidade de Goberno no consistorio cervense.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
