Unha das acepcións do termo “fariseos” segundo recolle o dicionario é a de “persoa que finxe unha moral, sentimentos ou crenzas que non ten”. Creo que non hai definición máis acertada para detallar o proceder da concelleira socialista de Cervo Beatriz Vázquez que nos pasados días nos obsequiou cun dos seus habituais textos de opinión cargados de intransixencia e rancor contra todo o que fai o PP.
Na súa obsesiva estratexia de rexeitamento absoluto ao que impulse o Goberno de Feijoo, sexa o que sexa, non dubida mesmo en utilizar datos manifestamente falsos ou manipulados como cando di que pechará o comedor do colexio de Ourol. Ela que tanto anima a resistir os pais deste municipio ben podería preguntalos, falar con eles. Así sabería por exemplo que o comedor non se vai pechar, que os nenos que viñan facendo uso deste seguirán gozando do servizo, só que agora a través dun menú que confeccionará un restaurante da localidade.
Pero se hai algo fariseo nas súas verbas é o feito de que pretenda dar leccións unha señora que dende a agrupación local do PSOE, e o sabe ben o ANPA do colexio Galdín, fixo todo o posible para que a Xunta bipartita, seguindo as súas instrucións, obstaculizase a apertura do comedor deste colexio de San Ciprián. Non querían que este centro sito no concello ao que xurou defender tivese comedor, porque temían que deste xeito fose aínda máis as persoas que escollían este colexio, o preferido pola maioría da comunidade escolar deste pobo.
Incongruente é tamén defender como ela fixo, que o sistema de catering para o comedor escolar é malo para Ourol, en cambio era unha solución estupenda, que mesmo poñían como exemplo de excelencia, para o desaparecido colexio Rivera Casás, ao que ela tanto defendía.
Os que coñecen o seu comportamento político saben que non se caracteriza precisamente pola coherencia e si por ese ánimo permanente de crispalo todo e a todos. Porque algúns cren que os votos se gañan dividindo e enfrontando a xente. Mentres que, se algo se demostrou en San Ciprián, precisamente coa integración dos colexios non só centro, é que se pode convivir con normalidade, en comuñón e unidos, fóra desas liñas imaxinarias e divisorias que a política farisea dalgúns como esta concelleira, tanto lles gusta debuxar.
Toño Gallego Prieto
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
