Nota de Prensa
O PP DE LUGO AFIRMA QUE OS RESPONSABLES POLÍTICOS DO BIPARTITO ESQUECEN QUE O ANO PASADO OS COMEDORES PAGÁRONSE O MESMO DÍA QUE NESTE EXERCICIO
O goberno do PP pagou 4 M€ en facturas de comedores, agochadas nun caixón polo bipartito.
Lugo, a 19 de abril de 2010.- Segundo o PP de Lugo na pasada semana, os responsables políticos do PSG e máis do BNG volveron a terxiversar a realidade para axitar aos cidadáns recurrindo á mentira. Sen embargo, a realidade está por encima das mentiras e dos maquiavélicos argumentos do tándem PSG-BNG.
Porque a realidade á que estamos asistindo é que a Consellería de Educación do Goberno Popular deu a orde de pago para os case 300 comedores de centros públicos que xestiona o mesmo día que no exercicio anterior. Os antigos responsables do goberno galego, nada máis ser relevados polo poder dos lugueses que acudiron a votar hai un ano (fartos de mentiras), esqueceron a realidade: durante a súa etapa o bipartito pagou os comedores ata dous días máis tarde que o actual goberno.
O PSG e do BNG están a actuar cunha manifesta irresponsabilidade ao pretender axitar á sociedade a conta dun trámite no que o Executivo de Feijoo, pese ao estrangulamento económico co que o goberno Zapatero somete a Galicia, cumpríu temporalmente coma hai un ano. A maiores, a Consellería de Educación deu instruccións para que, dende as xefaturas territoriais, se paguen os dous trimestres escolares deste ano, pola contra do bipartito que, a estas alturas só pagara un.
Temos que sinalar asimesmo que o abono das bolsas de comedores nestas datas é o resultado da conclusión dos trámites iniciados o pasado 22 de febreiro e nada teñen que ver nin con supostas presións nin co emprego de nenos en fotos propagandísticas. Estamos a asistir con certo estupor á degradación das políticas de oposición do PSG e BNG que utilizan demagóxicamente a imaxe de nenos comendo bocadillos co único fin de politizar o ensino.
Fronte a esta manipulación dun bipartito que aínda non escoitou aos cidadáns que lles berraron que non querían máis mentiras, o goberno de Feijoo sacou dos caixóns do bipartito facturas sen abonar de comedores escolares por valor de catro millóns de euros, pagounas e comprometeuse a incrementar o número de prazas de comedores, no presente curso escolar, en máis de 2.500.
En definitiva, o actual Goberno chegou á Xunta, pagou o que debía e incrementou en 2.500 as prazas de comedores escolares.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
