Nota de Prensa
ANTONIO VEIGA AMOSOU O SEU APOIO AOS TRANSPORTISTAS AFECTADOS POLOS IMPAGOS DA PLANTA DE CEMENTOS DE NADELA
O responsábel comarcal do BNG da Mariña, Antonio Veiga, trasladoulle o apoio do BNG aos cinco transportistas autónomos afectados pola débeda da planta de cementos de Nadela, en Lugo
Neste sentido, anunciou que o BNG estuda a posibilidade de emprender iniciativas para poñer á Xunta e ao goberno central ao corrente desta situación, xa que quen adebeda é un grupo empresarial con alta contratación pública
Lugo, 14 de abril de 2010. O responsábel comarcal do BNG na Mariña, Antonio Veiga, desprazouse a mañá pasada até Nadela para acompañar e trasladarlle o apoio do BNG aos transportistas, entre os que se atopa un empresario mariñao, afectados polos impagos da planta de cementos de Nadela na concentración que manteñen diante das portas da empresa desde hai case unha semana. Neste sentido, Antonio Veiga afirmou que “non se pode permitir que haxa persoas que estean a sufrir altísimas débedas por parte de grandes empresarios que continúan a lucrarse e que teñen contratado grandes obras con administracións” e manifestou que “desde as institucións debemos facer todo o que estea nas nosas mans e poñer todos os medios posíbeis para que saian desta situación”,
Antonio Veiga mostrouse moi crítico e lamentou que “unha vez máis sexan os traballadores e traballadoras de a pé quen teñan que sufrir nas súas peles a dureza da crise económica produto dun sistema que crebou e se mostra ineficaz” e que conta co agravante, neste caso, de estar “motivada por un impago de grandes empresarios que coa súa débeda prexudican seriamente a vida de moitas familias”, como se pode ver na situación desesperada de concentración destes cinco transportistas lucenses.
Neste camiño, Antonio Veiga anunciou que desde o BNG estase a estudar a posibilidade de emprender iniciativas, como preguntas dirixidas ao Parlamento Galego, para poñer á Xunta e ao goberno central ao corrente desta grave situación, xa que quen adebeda é un grupo empresarial con alta contratación pública. Este grupo que presenta débedas, La Estrella, depende de Catisa (cuxa matriz é o grupo do construtor do Bierzo, Martínez Núñez) e ten diferentes plantas en Galiza, como en Barreiros, Santiago, Ourense ou A Coruña e leva a cabo numerosos proxectos públicos como a nova ponte sobre o Miño en Lugo, a variante ferroviaria na Pobra de San Xiao ou o corredor Sarria-Monforte de Lemos. Afondando nisto, Veiga afirmou que as administracións “teñen a obriga de saber en todo momento se as empresas que resultan beneficiarias de contratacións públicas, e que reciben dos entes públicos unha carga de traballo e negocio importantísimo nestes momentos, cumpren co disposto nas súas condicións en canto aos prazos de pago”, porque doutro xeito estase permitindo que se produzan irregularidades que condicionan gravemente a vida de moitas e moitos traballadores.
O conflito por débedas cos transportistas lucenses por parte da cementeira cuxa planta está ubicada en Nadela sacou a relucir, segundo expuxo Antonio Veiga, “a inoperancia dun modelo económico que se esquece das persoas e ten unicamente en conta ao capital”, o que nos conduce a desaxustes e a situacións críticas como a que hoxe en día estamos a sufrir.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
