Nota de Prensa
O BNG DEMÁNDALLE Á XUNTA QUE MANTEÑA A ÁREA SANITARIA DA MARIÑA, CONVERTÉNDOA NUNHA ÁREA DE XESTIÓN INTEGRADA QUE INCORPORE ATENCIÓN PRIMARIA
Ana Luisa Bouza advirte de que a supresión desta área “suporía relegala á hora de recibir recursos”
Santiago de Compostela, 23 abril 2010.- A portavoz do BNG en materia de Sanidade no Parlamento Galego, Ana Luisa Bouza, ven de presentar unha iniciativa na que lle demanda á Consellaría de Sanidade que manteña a área sanitaria da Mariña, mediante a súa conversión nunha área de xestión integrada propia.
Ana Luisa Bouza explica que na actualidade existen no SERGAS dúas estruturas: as xerencias de atención primaria, 7 en total, e as xerencias de atención hospitalaria ou especializadas onde a estrutura territorial é de carácter máis comarcal con 11 áreas, entre elas a da Mariña.
“A área sanitaria comarcal ofrece unha mellor asistencia”
A deputada do BNG subliña que este modelo territorial de carácter comarcal “ofrece máis calidade asistencial xa que os recursos humanos e os servizos están máis achegados ás necesidades dos habitantes de cada territorio”.
Neste sentido, a parlamentaria nacionalista amosa a súa preocupación polo novo modelo territorial que propón a Consellaría de Sanidade. Ana Luisa Bouza subliña que “o BNG está de acordo en que se cree unha xestión integrada do SERGAS que coordine a atención primaria e a especializada”.
Porén, amosa a oposición do BNG a que, a creación as novas xerencias de áreas sanitarias integradas “sexa aproveitada pola Consellaría de Sanidade para poñer en dúbida o actual sistema integral de atención especializada, xa que a área sanitaria da Mariña pasaría a depender da área de xestión integrada de Lugo”.
Pola contra, Ana Luisa Bouza defende “a necesidade de reforzar a área sanitaria da Mariña, converténdoa nunha área de xestión integrada propia, de xeito que ofreza aos cidadáns unha carteira completa de servizos hospitalarios, e que esta estrutura territorial tamén integre a atención primaria”.
“Suprimir esta área suporía relegala á hora de recibir recursos”
Neste sentido, a deputada do BNG advirte de que “dende o inicio da lexislatura véñense producindo diferentes declaracións por altos cargos da Consellaría de Sanidade e do Sergas, logo desmentidos polas portavocías locais do Partido Popular, que poñen en dúbida a continuidade da área sanitaria da Mariña, o que ten provocado a mobilización da cidadanía desta comarca en defensa da continuidade da súa existencia e da extensión á atención primaria desta estrutura territorial”.
Ana Luisa Bouza denuncia que “suprimir esta área sanitaria para facela depender de Lugo suporía relegala e secundarizala á hora de recibir recursos económicos e humanos”.
A Consellaría de Sanidade segue mantendo a dúbida
A este respeito, critica que “unha vez máis, o borrador de Decreto polo que a Consellaría de Sanidade crea a nova estrutura de organización da xestión integrada –primaria máis especializada- do SERGAS segue mantendo a dúbida sobre cal vai ser a estrutura territorial do sistema de xestión integrada”.
Ante esta incerteza, a deputada do BNG demándalle á Consellaría de Sanidade que explique cal vai ser este mapa e solicita que se cree unha área de xestión integrada na actual área sanitaria da Mariña, que incorpore tamén os recursos de atención primaria.
Por último, Ana Luisa Bouza pregunta cal vai ser o calendario de posta en marcha do novo sistema para a área sanitaria da Mariña.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
