FOZ .- A plataforma Queremos Galego comeza unha recollida de sinaturas na Mariña para presentar unha iniciativa lexislativa popular que ten como obxectivo a presentación dunha proposición de lei no Parlamento de Galiza que pretende anular o proxecto de Decreto de galego no ensino que elaborou a Xunta de Galiza e que pretenden aprobar antes de que remate o actual curso escolar. Queremos Galego recollerá sinaturas mañá no mercado de Foz das 11:00 ás 13:00h.
Nota de Prensa
A Plataforma recollerá sinaturas mañá no mercado de Foz das 11:00 ás 13:00h.
Queremos Galego comeza unha recollida de sinaturas na Mariña para presentar unha ILP
A sección mariñá da Plataforma Queremos Galego vai lanzar o Martes a campaña social de recollida de sinaturas para a presentación dunha iniciativa lexislativa popular que ten como obxectivo a presentación dunha proposición de lei no Parlamento de Galiza que pretende anular o proxecto de Decreto de galego no ensino que elaborou a Xunta de Galiza e que pretenden aprobar antes de que remate o actual curso escolar.
A plataforma cidadá considera un autentico escándalo a posición do goberno galego coa súa proposta lingüística na medida que a mesma está a xerar unha discordia no conxunto da comunidade educativa e da sociedade galega e tamén pola súa teimosía en tentar aplicar un decreto que xa recibiu o rexeitamento do Consello escolar de Galiza, máxima órgano de representación da comunidade educativa. Neste sentido desde Queremos Galego consideran un feito inédito que a Xunta pretenda introducir unha modificación lexislativa coa oposición deste organismo, pois tratase da primeira norma na historia de Galiza que se aproba no ensino coa oposición do Consello Escolar.
Queremos Galego na Mariña que o vindeiro Martes terá unha mesa para a recollida de sinaturas no Mercado de Foz entre as 11.00 e as 13:00h quere facer un chamamento a todos os mariñaos a que asinen e apoien esta proposta, pois está política lingüística só vai ser modificada desde a mobilización do conxunto da sociedade. Estamos certos de que a presión social vai facer inviábel a aprobación deste proxecto polo que é necesario unha resposta activa da nosa sociedade en relación coa política linguicida do Goberno Feixoó. Nesta dirección desta a plataforma cidadá agardan a mesma resposta e apoio dos mariñaos a esta nova iniciativa da plataforma, como nas que puxo en marcha anteriormente.
A Plataforma que engloba a máis de 50 colectivos da comarca vai levar adiante a recollida de sinaturas ao longo de todo este mes a fin de chegar aproximadamente aos 10000 mil apoios, tendo xa a esta altura repartido pregos, e recollidas sobre unhas 3000 sinaturas. Nesta liña é de destacar o importante apoio que esta a ter a ILP entre a comunidade educativa, volcada absolutamente no apoio a mesma, tanto no plano do profesorado, como dos pais e nais e do alumnado. Queremos Galego vai organizar recollidas públicas de sinaturas no conxunto das vilas da Comarca e tamén en eventos sociais como a Feira de Artesanía do Ferro de Riotorto. No mesmo obxectivo anunciamos a todos aqueles e a todas aquelas veciñas que desexen prestar o seu apoio a iniciativa que se poñan en contacto coas asociacións que forman parte da plataforma para asinar esta ILP.
Xa por último desde Queremos Galego informamos que o vindeiro Sábado 17 de Abril vaise celebrar en Pontevedra un concerto de carácter nacional na que participarán 17 grupos da escena musical galega para expresar o seu rexeitamento ao decreto lingüístico da Xunta de Galiza. Os grupos que van participar no mesmo son do máis diverso e acollen unha ampla representación do mundo musical galego e entre eles atopanse formacións como Luar na Lubre, Berrogueto, Roi Casal, Fuxan os Ventos, A Quenlla, Ruxe Ruxe, Uxía Senlle, Susana Seivane, Nordestinas, Tino Baz,….Aquelas persoas que desexen acudir a Pontevedra a este concerto que comezará ás 19:30 horas do sábado poden comprar a súa entrada por anticipado chamando aos telefones 982-140-654 ou ao 982 129-593. Neste sentido e dado que o aforo e limitado, é conveniente mercar as mesmas por anticipado para non quedar sen entrada. Na mesma liña queremos indicar que a máis dos telefones que vemos de referir as entradas atópanse a venda tamén en diferentes establecementos da Comarca podéndose consultar os nomes do mesmo na páxina web de Queremos Galego.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
