BURELA (FNC) .- Mañá xoves terá lugar unha nova xuntanza ordinaria a partires das 11 horas do Consorcio de xestión e explotación da rede básica do abastecemento de auga aos Concellos de Cervo e de Burela.
Segundo explica o rexedor de Burela “veremos o estado da obra e as previsións de remate da mesma, desto xa tivemos un avance cando realizamos unha visita ás instalacións da ETAP na compaña dun técnico… analizaremos cando o Consorcio se fará cargo da xestión da auga para os dous concellos. Outros puntos que se abordarán mañá son: a dación de conta dos custes previstos para a explotación da obra, o estado da débeda do Consorcio á administración hidráulica de Galicia, a posibilidade de concertar un préstamo por parte do Consorcio e rogos e preguntas”.
Alfredo Llano sinala que “no último apartado eu tentarei establecer cómo se vai levar a xestión da auga nos dous concellos, hai que facer un convenio e ver cómo se pode realizar dado que agora lóxicamente é complexo todo esto sobre todo na ETAP porque terá un consumo importante de enerxía e establécense cuestións coma os mantementos e a vixianza de todo o que se fai alí. Penso que hai que dispoñer dun organismo que nos leve adiante todo esto que esixirá o propio funcionamento de todo este dispositivo. Temos que saber cando imos poñer en marcha o establecemento deste servizo para os dous concellos dun xeito xa definitivo”.
Pleno ordinario
O rexedor de Burela tamén comentou os asuntos que se debatirán no pleno ordinario previsto para mañá xoves no Concello. Van a esa sesión: a dación de conta da liquidación do orzamento de 2009 e a petición de axudas á Consellería de Traballo e Benestar para a prestación de servizos sociais polas Corporación locais ao abeiro da orde do 19 de febreiro de 2010. “Tamén se abordará no pleno a proposta de representante para a comisión de escolarización, trátase da persoa que formará parte dun colectivo no que se establecerán as liñas que se tomarán en caso de que exista algún problema de escolarización nos centros de ensino do noso concello. A persoa proposta é Lucía Bouza como concelleira de Educación que é. Outros puntos son a proposta de adhesión á carta verde do deporte español, a declaración de compatibilidade solicitada por unha funcionaria do Concello para poder impartir cursos de formación noutras entidades e a proposta de creación do servizo público de emisora de radio municipal. Éste será o asunto máis complexo seguro, pero consideramos que todo sairá para adiante sen problema”.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
