CERVO .- Os alcaldes de Cervo, Alfonso Villares, e de Burela, Alfredo Llano, coñeceron no día de hoxe os pormenores de como están a transcorrer os traballos da nova rede de abastecemento de auga que dará servizo aos municipios de Cervo e Burela. O consorcio formado polos dous Concellos e Augas de Galicia será o encargado de xestionar o subministro unha vez rematen os traballos da nova rede.
Nota de Prensa
Os alcaldes de Cervo e Burela coñeceron esta mañá os pormenores do funcionamento desta nova infraestrutura da man dos responsables das obras
A ESTACIÓN POTABILIZADORA DA SENRA ABASTECERÁ DE AUGA AOS CONCELLOS DE CERVO E BURELA A FINAIS DE VERÁN
* O consorcio formado polos dous Concellos e Augas de Galicia será o encargado de xestionar o subministro unha vez rematen os traballos da nova rede
* Esta nova estación de tratamento de auga potable permitirá eliminar os puntos de bombeo que actualmente existen no municipio de Cervo
Cervo, 16 de abril de 2010.- Os alcaldes de Cervo, Alfonso Villares, e de Burela, Alfredo Llano, coñeceron no día de hoxe os pormenores de como están a transcorrer os traballos da nova rede de abastecemento de auga que dará servizo aos municipios de Cervo e Burela.
Rexedores e técnicos de ámbolos dous municipios estiveron acompañados na súa visita polo director técnico da obra e polos responsables da empresa Espina y Obras Hidráulicas, encargada dos traballos desta infraestrutura. Segundo explicou o alcalde de Cervo, Alfonso Villares, a xornada serviu coma unha primeira toma de contacto “para ir coñecendo os pormenores destas novas dotacións e tamén para ir clarexando posibles detalles que aínda quedan pendentes antes de que entre a funcionar a nova rede de auga” sinalou.
Na visita ás instalacións da nova estación de tratamento de auga potable (ETAP), situada na parroquia da Senra, o director técnico das obras explicou aos asistentes os pormenores do sistema de potabilización ao que se someterá a auga que despois de distribuirá desde este punto ás redes de Cervo e Burela e adiantou que de cumprirse os prazos previstos, a estación podería entrar en funcionamento á volta do verán.
30 quilómetros de tubaxes
Os traballos da nova rede de subministro de auga para Cervo e Burela comezaron en setembro de 2007 e o seu investimento global superou lixeiramente os 5,4 millóns de euros. As obras centráronse na construción dunha nova estación de tratamento de auga potable (ETAP) na Senra, que recibirá a auga dende o embalse de Rúa e dende o encoro do río Cobo, aínda que esta última captación só se utilizará en casos puntuais e de emerxencia para garantir o subministro aos dous municipios. Para isto construíuse unha condución de máis de 8,5 quilómetros dende o encoro de Rúa ata a nova ETAP e se acometeu unha nova captación de 4,5 quilómetros de lonxitude dende o encoro de Río Cobo á ETAP da Senra. Paralelamente a isto se construíu unha rede de condución da auga tratada para levar a auga potable a tódolos puntos dos dous municipios e a cal ronda os 30 quilómetros de lonxitude.
A ETAP da Senra ten unha capacidade posúe uns depósitos de 2.500 metros cúbicos e poderá potabilizar 120 litros de auga por segundo. Segundo os estudos técnicos a capacidade de tratamento da estación da Senra poderá cubrir as necesidades de ámbolos dous municipios nos vindeiros 25 anos e ten ademais a posibilidade de aumentar nun 50% a súa capacidade do seu tratamento inicialmente previsto.
As previsións dos técnicos cuantifican en 3.886.812 metros cúbicos os que poderán ser tratados anualmente nesta nova ETAP e os seus custes de explotación rondarán os 645.000 euros ao ano, mentres que o prezo do metro cúbico de auga tratada será de 0,166 euros.
Subministro por gravidade
Segundo o alcalde de Cervo, Alfonso Villares, a xuntanza desta mañá cos técnicos foi un dos últimos pasos para conseguir materializar esta obra “tan demandada non só por Burela, se non tamén polos veciños do nosos termino municipal”. Neste senso lembrou que máis do 95% desta obra transcorre por territorio cervense e que os embalses que abastecerán a ámbolos dous concellos están situado neste municipio. “Por iso, para Cervo sempre foi importante esta obra e así o defendemos en todo momento diante de Augas de Galicia co obxectivo de conseguir darlle un trato preferencial as zonas rurais do noso municipio por onde ían a pasar as novas canalizacións” lembrou Villares.
O alcalde salientou tamén que esta nova rede de abastecemento traerá consigo a eliminación dos dous puntos de captación de auga mediante bombeo que actualmente existen no termo municipal. “Cando esta nova rede de auga entre en funcionamento todos os veciños do noso concello recibirán a auga por gravidade, co conseguinte beneficio que isto supón. Poderemos, pois, prescindir dos bombeos do río Rato e do río Cobo, e só se utilizaría o bombeo entre o embalse de Río Cobo e A Senra en casos de extrema urxencia e necesidade” recalcou Villares.
Unha vez estean rematadas as obras a xestión da rede de subministro e da ETAP da Senra pasará ser responsabilidade do consorcio no que están representados o organismo público Augas de Galicia e os Concellos de Cervo e de Burela.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
O acto terá lugar ás 18:30 no paseo da Dársena, onde se instalará un hito que lembra a súa distinción como Fillo Predilecto de Navia. Tamén se descubrirá a placa dos gañadores absolutos da LXVII edición do Descenso, celebrada en 2025. “Moreno”, falecido en 2023, dedicou máis de seis décadas a impulsar esta cita deportiva, converténdoa nun referente nacional e internacional. A alcaldesa, Ana Isabel Fernández, destacou que foi “a alma máter do Descenso” e convidou á veciñanza e participantes a asistir ao acto de recoñecemento.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
As persoas que non puideron obter a súa entrada durante o período de reserva anticipada poderán recoller as entradas restantes o propio día da función, mércores 5 de agosto, a partir das 20:00 horas, na taquilla do Teatro Pastor Díaz. A entrega realizarase ata completar a capacidade do recinto, cun máximo de catro entradas por persoa. O Concello de Viveiro agradece a excelente acollida que está a ter esta representación e lamenta as molestias que esta situación poida ocasionar.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
