O pasado venres, patrocinada por Caixa Galicia, os focegos tivemos a oportunidade de escoitar a conferencia “La crisis que se vio venir dentro de la euforia económica” que pronunciou o xornalista e escritor Diego Carcedo, tan coñecido pola súa dilatada vida profesional en diversos medios de comunicación, sinaladamente en TVE. Comezou a charla aludindo a como as crises económicas son cíclicas e que, aínda que por causas distintas, cada tempo rexístrase na sociedade mundial unha recesión, de maior ou menor intensidade e duración – a actual é das mais graves – e fixo un repaso das últimas, dende a holandesa dos tulipáns (s. XVII) e a americana do 1929 ata a actualidade, considerando as diferencias entre unhas e outras. O conferenciante, de forma amena e clarividente, descifrou as causas que levaron á situación actual, que se vía vir e da que os lideres da economía eran conscientes, pero ¿quen lle poñía o cascabel ó gato?. O xornalista foi moi crítico con dous aspectos dos políticos españois: por unha parte un goberno que se empecinou en non recoñecer a existencia da crise, ignorandoa. e anunciando o fin da mesma (fixo unha alusión xocosa á aparición de “brotes verdes”) sen ter en conta que o engano é sempre negativo, en canto que cando menos produce serias dúbidas e falta de credibilidade nos que dirixen o timón do país, e por outra o relator non entende como goberno e oposición, ante feito tan transcendente, son incapaces de aparcar as loitas partidistas e sectarias e non son quen de analizala conxuntamente e chegar ós consensos precisos para ver de superala. Se o fan noutros países nos que, sen ser menos enconada a loita entre partidos, aúnan esforzos e acadan acordos para a solución dunha situación ante a que se mostrou pouco optimista e cuio vaticinio o levou a botar man da sabencia popular: ”nunca choveu que non escampara”. Non asimilamos a lección da historia, dixo, e unha vez superada esta, recuncaremos. Diego Carcedo deu unha lección de obxectividade e claridade dende unha dialéctica moderada e respectuosa á que os nosos políticos- de tódolos niveis e cores- non acostuman..
Diego Carcedo en Foz
Relacionado
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
