NOTA DE PRENSA:
Os nacionalistas demandan no Parlamento que o IGAPE abra unha liña de axuda para os autónomos da Mariña.
A Mariña Central e Oriental encabezan a destrucción do emprego autónomo en Galiza.
O Bloque Nacionalista Galego vai presentar unha proposición non de lei no Parlamento de Galiza no que solicita un Plano de Apoio aos autónomos da Mariña, criando dentro do IGAPE liñas específicas de financiamento para circulante e restruturación de pasivos que permita o acceso dos mesmos ao crédito.
Dados alarmantes sobre destrucción de emprego no sector dos autónomos
A proposta dos nacionalistas atende aos dados que ven de facer públicos o Observatorio polo Emprego dependente do Ministerio de Traballo e Asociación Española de Traballadores Autónomos nos que se afirma que destrucción de empregos entre aqueles que cotizan no Réxime Especial Autónomo equiparouse en Galiza á media do Estado, situándose á cabeza da primeira Lugo e dentro desta A Mariña Oriental e A Mariña Central. Tanto é así que segundo afirmou Antonio Veiga, responsábel comarcal nacionalista “ no último ano na provincia de Lugo cesaron na súa actividade máis de 6000 autónomos, a metade dos cales se concentran nas tres comarcas da Mariña”.
O portavoz nacionalista afirmou “que a crise cebouse de xeito moi particular con este colectivo, destacando a desaparición do emprego no sector comercial e da hostalería, como consecuencia da caída do consumo, así como aquelas persoas que desenvolvían a súa actividade en ocupación relacionadas co sector da construcción e da promoción inmobiliaria” para continuar afirmando que “a razón central que explica estes dados son os problemas de liquidez que tiveron que enfrontar os autónomos ao cortarse a billa do crédito e non responder os organismos públicos a solventar esta situación para xerar circulante que permitise que a actividade continuase”.
Os compromisos electorais de Balseiro unha vez mais papel mollado para A Mariña
Os nacionalistas mostráronse particularmente críticos co PP e co seu Deputado Xosé Manuel Balseiro quen afirmara na campaña das autonómicas que a primeira medida do Goberno Popular ía ser a posta en marcha dun plano de choque de apoio a este colectivo. “Levamos agardando que o PP puxera en marcha este Plano, e a día de hoxe, cando A Mariña se coloca en termos porcentuais á cabeza de destrucción de emprego neste réxime, o PP está desaparecido. Non é de recibo que o Goberno da Xunta non poña en marcha medidas que alivien a situación deste colectivo, por iso agardamos que os populares e particularmente Balseiro, se mollen no Parlamento en defensa da Mariña”, afirmou Veiga.
O Portavoz do BNG lembrou que este sector ocupa un número importante de persoas na provincia, con máis de 30.000 persoas de alta neste réxime, ate o punto, de que só no sector comercial e da hostalería o número de establecementos supera os 10.000 en Lugo representando máis do 15 do PIB da Provincia.
A Xunta de Galiza con competencias que debe asumir e executar
O Bloque Nacionalista Galego partindo de que é a Xunta de Galiza quen ten as competencias plenas en materia de comercio e de hostalería e que a súa vez conta con instrumentos financeiros que permiten bombear crédito ao tecido produtivo, demanda un cambio de actitude por parte da mesma e xa que logo unha acción decidida por parte da Xunta de Galiza de apoio ao sector dos autónomos. Asemade consideramos fundamental que no seu ámbito competencial é necesario tamén que cumpra e obrigue ao cumprimento do establecido na lexislación , no referido ao cumprimento do prazo dos pagos a fin de quen os autónomos non operen como auténticas financeiras e as administracións públicas e a propia empresa privada lle transfira a estes a súa falta de liquidez
.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
