NOTA DE PRENSA:
A ESCUSA DA AUSTERIDADE NON PODE SERVIR PARA O DEMANTELAMENTO DOS SERVIZOS DE COMEDOR NOS COLEXOS DO RURAL
O BNG mariñán acusa ao PP de baleirar de recursos o ensino público para dedicalo ao ensino privado
Ao mesmo tempo que se recorta o investimento en comedores de centros como o de Ourol, Educación non repara en gastar un millón de euros en promover o Decreto contra o galego no ensino
A Mariña, 6 de maio de 2010. O BNG mariñao criticou con dureza a política privatizadora dos servizos públicos, neste caso referíndose ao peche do comedor público do colexio público Vicente Casabella de Ourol para substituílo por un servizo de catering de menor calidade como se ten demostrado en outras experiencias existentes. Os nacionalistas cualificaron as intencións do PP de política reaccionaria amparada no discurso da austeridade que por unha banda recorta investimento nos servizos públicos e por outro non ten reparos en gastar un millón de euros públicos en promover unha campaña de promoción do decreto contra o galego no ensino.
Curiosamente a austeridade de Feijoo só serve para recortar os servizos públicos e non para outras cousas
Os nacionalistas mariñáns criticaron as medidas do Partido Popular de recorte dos servizos públicos e o peche dos servizo público de comedores coa escusa da política de austeridade “que serve para un roto e un descosido segundo conveña” mais que “curiosamente sempre serve para o recorte nas políticas sociais, educativas e sanitarias” e non naqueles outros asuntos que en nada inciden na calidade de vida da cidadanía.
O dobre discurso do PP permítelles falar de reactivación demográfica mentres se pechan servizos públicos esenciais para a cidadanía no rural
Os nacionalistas lembraron que o BNG ten presentado múltiples iniciativas no Parlamento advertindo que a privatización dos comedores dos centros educativos do rural como o de Ourol “non só supón unha reducción na calidade alimenticia nestes centros” senón tamén “o primeiro paso para o seu desmantelamento” obrigando ao traslado do alumnado a outras vilas. O BNG ademais advertiu do “dobre discurso” do goberno que preside o Sr. Feijoo que anuncia un plan para a reactivación demográfica e por outro leva á práctica o peche sistemático de comedores públicos non rural cando se trata dun servizo esencial para as familias.
Un millón de euros contra o galego no ensino e austeridade para os comedores dos colexios do rural.
Por último os nacionalistas fixeron mención ao millón de euros que a Consellaría de Educación ten previsto gastar na promoción do Decreto contra o galego no ensino e acusaron á Consellaría de “non poñer reparos á política de propaganda contra o noso idioma mentres si se poñen para manter en pe un servizo básico para as familias de Ourol como e o comedor público.”
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
