FOZ .- Esta tardiña, o delegado de Cultura da Deputación, o nacionalista Antonio Veiga, acompañou ao escritor mariñao Ramón Reimunde na presentación do libro “Cautiverio de Fingoi” que tivo lugar no salón de actos do IES de Foz. O libro , editado polo servizo de publicacións da Área de Cultura da Deputación, trátase dun estudo sobre os anos nos que o mestre Carvalho Calero residiu en Lugo nun período no cal permaneceu como mestre no Instituto de Fingoi.
O delegado de Cultura da Deputación, Antonio Veiga, amosouse satisfeito por poder brindar o apoio necesario de cara a ver editado o libro que hoxe se presentou. Neste sentido, Veiga afirmou que “coa nosa entrada no goberno da Deputación o servizo de publicacións leva a cabo un traballo de edición de numerosas publicacións de grande calidade pola súa significación e aproveitamento para o coñecemento da cidadanía”. Segundo afirmou Veiga, “esta obra de Reimunde ten unha grande transcendencia, xa que vai servir para deitar luz sobre uns anos de Carvalho Calero pouco estudados da vida do insigne mestre e que, ademais, foron relevantes para algúns aspectos da súa vida, da súa escrita ou da súa idiosincrasia no plano sociopolítico”.
Ademais, indicou Veiga, “este achegamento a Carvalho Calero que nos propón Ramón Reimunde conta cun dos mellores avais que podería ter, e non é outro que o feito de que o escribira o propio Reimunde, contrastado coñecedor do panorama literario galego e persoa achegada directamente ao Carvalho Calero de quen nos fala”.
Ramón Reimunde Noreña
Profesor, escritor e empresario. Naceu en San Martiño de Mondoñedo, Foz (Lugo) o 18 de abril de 1949. Realizou os seus estudos primarios na súa aldea natal e o Bacharelato no Colexio Corazón de María (Padres Claretianos) de Xixón. Estudou dous anos de Enxeñería Naval en Oviedo e Madrid, Náutica na Coruña e Filoloxía en Santiago. É piloto e capitán da Mariña Mercante (1978), licenciado en Filoloxía Hispánica (1979) e en Filoloxía Galego-Portuguesa (1982). En 1981 foi nomeado profesor agregado de Lingua e Literatura Galega e en 1992 accedeu á condición de catedrático de Lingua Galega. Ten navegado por todos os mares do mundo como oficial, desde 1972 ata 1979, en barcos españois e estranxeiros. É profesor e xefe de seminario no ensino público desde 1979, con destinos en Viveiro, Lugo e Foz. Desde 1980 compaxina este labor co de empresario forestal, dirixe a empresa Reimunde SAT. É membro da Academia Galega da Lingua Portuguesa.
Foi membro dos consellos de goberno de AGAL e da Asociación Forestal de Galicia. De ideoloxía galeguista, vive unha vida tranquila e familiar no Valadouro, afastado do mundanal ruído.
Publicacións
Poesía completa de Leiras Pulpeiro, Sotelo Blanco (1984), Trebón de Armando Cotarelo, Agal (1984) e Ben pode Mondoñedo desde agora, El Progreso, (1984) (XII Premio Ánxel Fole).
Publicacións colectivas
Comentario de textos literarios, Alhema (1986), Os escritores lugueses arredor de Fole, Concello de Lugo (1986), Actividades de léxico, expresión oral, Bahía (1990) e Actas dos Congresos I, III e IV de AGAL (1987-91).
Tamén realizou a edición de Contos para nenos, Costumes antigos de Galiza de Leiras (1999) e a tradución de Mafalda, Souto (1985).
Escribiu artigos en diversas revistas e nos xornais El Progreso e La Voz de Galicia e deu numerosas conferencias sobre literatura galega.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
