CERVO .- O Concello de Cervo contratará a dez socorristas e catro persoas para a limpeza de praias a través das Oficinas de Emprego. Así o anunciou o alcalde de Cervo, Alfonso Villares, que explicou que as devanditas contratacións se realizan grazas á subvención da Xunta de Galicia a través do programa de cooperación coas entidades locais.
Segundo indicou o rexedor, as contratacións serán dunha duración de tres meses e o Concello desenvolverá ao longo dos próximos días o proceso de selección de persoal unha vez recibida a lista de posibles interesados desde as oficinas de emprego (antigo INEM).
Villares salientou que a axuda para contratar a estes dez socorristas supón un aumento de preto dun 50% respecto das subvencións concedidas nos últimos catro anos pola Xunta de Galicia, “nos cales se nos financiou a contratación de tan so 7 socorristas”.
“E no caso de limpeza de praias o aumento é aínda máis significativo, porque pasamos de non recibir axudas nos últimos catro anos para este servizo, o cal tiñamos que asumir a través de persoal municipal, a poder contratar a catro persoas para estes traballos grazas a axuda da Xunta” recalcou o alcalde.
Para Villares, este aumento de persoal para o coidado e control dos areais cervenses suporá unha mellora substancial respecto das tempadas estivais pasadas “porque poderemos dar unha mellor cobertura para os bañistas e tamén nos vai a permitir ter en mellores condicións de limpeza os nosos areais, o que irá en beneficio de todos os usuarios das nosas praias e tamén, como non, dos veciños e veciñas de Cervo”.
Neste sentido o alcalde dixo que os veciños e veciñas de Cervo non se poden explicar porque nos anos de goberno bipartito na Xunta o grao de implicación e de axudas cos areais do municipio non foron coma os recibidos neste ano, nin tampouco porque a Deputación “nin sequera se dignou a contestar a petición que lle fixemos nos dous últimos anos pedíndolle maquinaria para adecentar a praia do Torno para a época estival” sinalou.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
