RIBADEO (FNC) .- O Concello de Ribadeo segue a traballar para tentar recuperar a normalidade nas parroquias que se viron afectadas polas inundacións destes días. O alcalde manifestou que “tratamos de facilitar o acceso a algunha vivenda, o camión de incendios está a desatoar pasos de auga para que volten ao seu canle, estamos facendo tamén tarefas de baldeo nalgunhas casas…”.
Fernando Suárez agarda a que “o luns chegue a maquinaria pesada que nos vai enviar a Xunta para levantar a barrancada de terra que caeu na estrada Reme-Vilamar e así comezar os traballos que permitan restablecer o subministro de auga a moitas parroquias do interior de Ribadeo. Son tarefas complicadas e días duros porque o depósito podería quedar sen auga e teríamos que levar a auga ata alí no camión de incendios”.
O rexedor sinalou que “os técnicos municipais están a realizar un inventario por parroquias recollendo todos os danos causados por estas chuvias, pero centrándonos sobre todo nas pontes, eso é o máis urxente así como os accesos ás vivendas. Estamos fotografiando e identificando todo o que está danado e o luns enviaremos un informe á Xunta, á Deputación e ao Ministerio de Fomento para que coñezan as necesidades que temos. A cuantía dos danos excede a capacidade que ten o Concello para afrontar esta situación”.
Suárez Barcia tamén anunciou que “o luns convocarei á xunta de voceiros para analizar o acontecido e a posible solicitude de declaración de zona catastrófica ou similar para Ribadeo”.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
