CERVO .- O concelleiro de Deportes, Rubén Fernández, anunciou que o ximnasio da piscina olímpica municipal de Lieiro conta dende a semana pasadacon novos aparatos para todos os seus socios.
O novo equipamento consiste en varios aparatos aeróbicos e de musculación coma bicicletas estáticas, cintas de carreira ou pranchas de musculación entre outros. A contía total deste investimento rondou os 20.000 euros e foron financiados con fondos propios e coa axuda da Xunta de Galicia.
Segundo indicou o responsable da área de Deportes municipal, esta nova dotación de equipamento para o ximnasio ten coma principal propósito que os seus usuarios “poidan contar coas infraestruturas necesarias para a práctica de deporte, o cal está intimamente ligado á mellora da nosa calidade de vida e o coidado da nosa saúde” e lembrou que a devandita renovación de material do ximnasio forma parte dun paquete de medidas posto en marcha dende o Concello “para mellorar as instalacións e o servizo da nosa piscina municipal, a única da provincia de Lugo destas características”. Entre estas medidas figura a modificación dos horarios da piscina, postos en marcha o pasado mes de outubro, e tamén a firma dun convenio de colaboración coa Secretaría Xeral para o Deporte por valor duns 60.000 euros que foron destinados a obras de mantemento e mellora da piscina municipal.
Segundo Fernández, este esforzo inversor e de xestión en materia deportiva do grupo de Goberno local se complementa tamén con outras infraestruturas postas en marcha hai unhas semanas, “como por exemplo a pista de pádel recentemente inaugurada e que fai que Cervo se afiance na cabeza de concellos da Mariña e de Galicia no que a número de instalacións deportivas de uso público por habitante se refire”.
Finalmente, o delegado de Deportes cervense aproveitou este anuncio para invitar aos socios e socias da piscina “para que se pasen polo seu ximnasio e fagan uso destes novos aparatos; e tamén -como non- convidar a aqueles que aínda non son socios a que se animen e se abonen para disfrutar das nosas instalacións”.
O Parque María Cristina da Caridá volverá encherse de oficios, sabores, música e tradición esta fin de semana, días 4 e 5 de xullo.
Xunto a este grupo de alumnos e profesores estiveron o alcalde, Dani Vega, e a concelleira de Seguridade, Montse Seijo.
A edición incorpora como novidade a primeira inmersión da imaxe da Virxe no porto, prevista para o 11 de xullo. O Día do Carmen, o 16, manterá os actos máis emblemáticos, como a Misa Solemne, a Procesión Mariñeira e a descarga pirotécnica. O programa inclúe verbenas, concertos, actividades infantís, o Día do Bollo e o desfile de Cabezudos. O Concello e SofiTapia animan á participación nunhas festas que volverán converter a vila nun punto de encontro. Os actos no Auditorio Municipal serán de entrada libre ata completar aforo.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
